اسلام آباد: (ویب ڈیسک) سپریم کورٹ میں جسٹس قاضی فائز عیسیٰ کیس کی سماعت کرنے والا فل کورٹ بینچ تحلیل ہوگیا۔ عدالتی بنچ نے نیا بنچ تشکیل دینے کے لیے معاملہ چیف جسٹس کو بھجوا دیا۔جسٹس عمر عطا بندیال نے کہا جسٹس مظہر عالم کی عدم دستیابی کے باعث بینچ تحلیل کر رہے ہیں، نئے بینچ کی تشکیل کے لیے معاملہ چیف جسٹس کو بھجوا رہے ہیں۔ وکیل منیر اے ملک نے استدعا کی کہ مقدمے کے سماعت کے لیے فل کورٹ تشکیل دیا جائے۔ جس پر جسٹس عمر عطا بندیال نے کہا بینچ کی تشکیل عدالت کی صوابدید ہے۔
