لاہور (ویب ڈیسک)پاکستان کرکٹ بورڈ (پی سی بی) نے اعلان کیا ہے کہ فاسٹ بولر وہاب ریاض نے قائداعظم ٹرافی سے دستبردار ہو کر طویل دورانیے کی کرکٹ سے غیرمعینہ مدت تک آرام کا فیصلہ کیا ہے۔وہاب ریاض کی عمر 34 سال ہے اور پی سی بی کی یہ منطق سمجھ سے بالاتر ہے کہ انہیں غیر معینہ مدت تک آرام دیا گیا ہے اور وہ کب پانچ روزہ کرکٹ میں شریک ہوں گے۔وہاب ریاض کا کہنا ہے کہ سپورٹ اور رہنمائی پر بورڈ کا مشکور ہوں، میں نے یہ فیصلہ سوچ سمجھ کر اور اپنے اہل خانہ سے مشورے کے بعد کیا ہے۔وہاب ریاض نے کہا کہ پاکستان کرکٹ بورڈ کی خواہش ہے کہ میں طویل دورانیے کی کرکٹ جاری رکھوں مگر میں نے آج بورڈ کو اپنے فیصلے سے آگاہ کردیا ہے۔وہاب ریاض نے کہا کہ میری بات سمجھنے پر پی سی بی کا مشکور ہوں، میں نے فرسٹ کلاس کرکٹ سے علیحدگی اختیار کرنے کا فیصلہ کیا ہے، یہ فیصلہ میں نے اپنی گذشتہ کارکردگی کو مدنظر رکھتے ہوئے کیا۔ذرائع کا کہنا ہے کہ سینٹرل کنٹریکٹ میں بھی پی سی بی انہیں بی سے سی کٹیگری میں رکھنے پر غور کررہا ہے۔ ذرائع کا کہنا ہے کہ محمد عامر کی جانب سے ٹیسٹ کرکٹ سے ریٹائرمنٹ کے فیصلے کے خلاف آنے والے ردعمل کے بعد وہاب ریاض نے فیصلہ سوچ سمجھ کر کیا اور مصباح الحق کو اعتماد میں لیا۔وہاب ریاض نے کہا کہ طویل دورانیے کی کرکٹ سے علیحدگی کے دوران وہ محدود فارمیٹ کی کرکٹ میں شرکت کرتے رہیں گے، ٹی ٹوئنٹی اور ایک روزہ کرکٹ کھیلنے کے دوران انہیں طویل دورانیے کی کرکٹ کیلئے اپنی فٹنس کو جانچنے کا موقع ملے گا۔انہوں نے کہا کہ جب خود کو طویل دورانیے کی کرکٹ کھیلنے کا اہل سمجھوں گا اس فارمیٹ کیلئے ایک بار پھر اپنی دستیابی ظاہر کردوں گا۔اس اعلان کے بعد اب وہاب ریاض قائد اعظم ٹرافی میں جنوبی پنجاب کی نمائندگی نہیں کریں گے اس لیے جمعرات کو وہاب ریاض نے قائد اعظم ٹرافی سے قبل ٹریننگ سیشن میں بھی شرکت سے گریز کیا۔وہاب ریاض سے قبل محمد عامر بھی ٹیسٹ کرکٹ چھوڑنے کا اعلان کر چکے ہیں۔ وہاب ریاض کا پی سی بی سے سینٹرل کنٹریکٹ ہے۔ وہاب ریاض نے ٹیسٹ کرکٹ سے ریٹائرمنٹ کا اصولی فیصلہ کرلیا ہے اور وہ وائٹ بال کرکٹ کھیل کر اپنے کیریئر کو طول دینا چاہتے ہیں۔جنوبی پنجاب ٹیم ذرائع کا کہنا ہے کہ وہاب ریاض نے قائد اعظم ٹرافی کیلئے لگائے گئے کیمپ میں رپورٹ نہیں کیا ہے۔ وہاب ریاض نے ٹیسٹ کرکٹ سے بریک کا فیصلہ پچھلے ماہ کینیڈین لیگ کے دوران کرلیا تھا۔وہاب ریاض نے 27 ٹیسٹ میچز میں قومی ٹیم کی نمائندگی کی اور 83 وکٹیں حاصل کیں، ان کی بہترین بولنگ ایک اننگز میں 63 رنز دے کر پانچ وکٹیں ہیں۔قائد اعظم ٹرافی کے پہلے میچ میں سلمان بٹ بھی حصہ نہیں لیں گے۔

لاہور (ویب ڈیسک)پاکستان ویمنز کرکٹ ٹیم کی سابق کپتان ثناءمیر کیلئے ایک اور اعزاز، انہیں ایشیا گیم چینجر ایوارڈ کیلئے منتخب کرلیا گیا ہے۔ایشیا سوسائٹی کی جانب سے جاری کیے گئے پیغام کے مطابق ثناءمیر کا نام دیگر 5 خواتین کے ساتھ شامل ہے جنہوں نے اپنے شعبوں میں غیر معمولی صلاحیتوں کا مظاہرہ کیا ہے۔ایوارڈ کی تقریب امریکا کے شہر نیویارک میں 24 اکتوبر کو منعقد ہوگی۔ ایشیا سوسائٹی ہر سال اپنے شعبوں میں نمایاں کارکردگی پیش کرنے والوں کو ایوارڈ سے نوازتی ہے۔یہ پہلی بار ہے کہ ایوارڈز کیلئے نامزد ہونے والی تمام خواتین ہیں۔ کرکٹر ثناءمیر نے اپنے ٹوئٹ میں خوشی کا اظہار کرتے ہوئے اللہ کا شکر ادا کیا اور لکھا کہ انہیں کرکٹ کے کھیل میں ملک کی نمائندگی کرنے پر فخر ہے۔ثناءمیر کے اس ایوارڈ کے کیلئے نامزد ہونے پر پاکستان کرکٹ ٹیم کے کھلاڑیوں نے بھی انہیں مبارکباد دی۔

لاہور(ویب ڈیسک): قومی کرکٹ ٹیم کے ہیڈ کوچ مصباح الحق کا کہنا ہے کہ کھلاڑیوں کے لئے پرفارمنس کے ساتھ فٹنس اور ڈسپلن قومی ٹیم میں آنے کی واحد کنجی ہے۔قائد اعظم ٹرافی کے لیے ٹیموں کا کیمپس کا آغاز ہوگیا ہے جس کے پہلے مرحلے میں تمام کرکٹرز کے قذافی اسٹیڈیم میں فٹنس ٹیسٹ لیے گئے۔س کے بعد نیشنل کرکٹ اکیڈمی میں سینٹرل پنجاب کے کیمپ میں قومی ٹیم کے ہیڈ کوچ مصباح الحق نے لیکچر دیا۔مصباح الحق کا کہنا تھا کہ پرفارمنس کے ساتھ فٹنس اور ڈسپلن قومی ٹیم میں آنے کی واحد کنجی ہے، نئے سسٹم اور نئے طریقہ کار کے مطابق خود کو ڈھالیں۔ جس چیز کی بھی پریکٹس کریں اس کو پریکٹس برائے پریکٹس سمجھ کر نہ کریں بلکہ مکمل جان ماریں اور یہ ذہن میں رکھیں کہ میں نے اس خامی کو بہتر کرنا یے۔ یہ سوچ ہو گی تو پرفارمنس بھی بہتر ہوگی اور سب خوش بھی ہوں گے۔