جنیوا،اسلام آباد،سرینگر(ویب ڈیسک) اقوام متحدہ نے بھارت کو قابل شرم ممالک کی فہرست میں شامل کر لیا ہے اور ساتھ ہی بھارت سے مطالبہ بھی کیا ہے کہ مقبوضہ کشمیر میں معمولات زندگی کو بحال اور مقبوضہ وادی میں اظہار رائے کی آزادی کو یقینی بنایا جائے،طاقت کے اندھے استعما ل کو بھی بند،انسانی حقوق کی خلاف ورزی نہ کی جائے ،حالات کو مزید خراب نہ کیا جائے۔سیکریٹری جنرل انٹونیو گوٹیریس کی جانب سے جاری کی گئی رپورٹ کے مطابق فہرست میں ایسے ممالک کو رکھا کیا گیا ہے جہاں انسانی حقوق کی خاطر کام کرنے والوں کو مشکلات کا سامنا ہے۔اقوام متحدہ کی فہرست میں مجموعی طور پر 38ممالک شامل ہیں جن میں سے 29 کو پہلی بار درج کیا گیا ہے۔اس فہرست میں جن ممالک کو رکھا گیا ہے وہاں انسانی حقوق کیلئے کام کرنے والوں کو قتل، تشدد، بد سلوکی، مجرمانہ سلوک، الزام اور گرفتاریوں کا سامنا ہے۔انٹونیو گوٹیریز نے اپنی رپورٹ میں لکھا کہ ہم ان بہادر لوگوں کی خدمات کو سراہتے ہیں جنہوں نے مشکلات کے باجودہ ہمیں آگاہ رکھا۔سیکرٹری جنرل نے لکھا کہ اقوام متحدہ کے ساتھ کام کرنے والوں سزائیں دینا ایک قابل شرم عمل ہے اور اسے ختم ہونا چاہیے۔یو این کی فہرست میں جن ممالک کو رکھا گیا ہے ان میں بھارت، روس، میانمار، مالدیپ، اسرائیل، ہنگری، فلپائن، تھائی لینڈ، وینزویلا، روانڈا، مصر، کانگو، کیوبا، کولمبیا اور دیگر شامل ہیں۔ادھر مقبوضہ کشمیرمیں قابض بھارتی حکومت کا لاک ڈاو¿ن مسلسل 21 ویں روز تک پہنچ گیا ہے،وادی میں مواصلاتی رابطے منقطع اور کرفیو بدستور برقرار ہے۔ کرفیو اور پابندیوں سے وادی کے لوگوں کو شدید مشکلات کا سامنا ہے جب کہ مواصلاتی رابطے منقطع ہونے سے کشمیر سے باہر موجود کشمیری اپنے پیاروں کی خیریت نہ جان پانے پر شدید پریشان ہیں۔احتجاج سے خوفزدہ قابض بھارتی انتظامیہ نے وادی میں جگہ جگہ رکاوٹیں کھڑی کر رکھی ہیں اور سڑکوں پر فورسز کی اضافی نفر ی تعینات ہے۔بھارتی فوج احتجاج کچلنے کے لیے گھروں میں گھس کر بنا کسی جرم کے نوجوانوں کو گرفتار کر رہی ہے جب کہ خواتین کی بے حرمتی، چادر اورچار دیواری کا تقدس پامال کیا جارہا ہے۔سخت ترین کرفیو اور پابندیوں کے باوجود کشمیریوں کا بھارتی مظالم کے خلاف احتجاج بھی جاری ہے۔کشمیری عوام احتجاج میں زخمی ہونے والوں کاعلاج بھی گھروں پر کرنے میں مجبور ہیں اس کے علاوہ حریت رہنما اور سیاسی رہنما بدستور گھروں یا جیلوں میں بند ہیں۔مقبوضہ کشمیر میں مودی حکومت نے سفاکیت کی انتہا کرتے ہوئے بھارتی مظالم کے خلاف احتجاج کرنے والے کشمیری نوجوان کو قابض اہلکاروں نے آگ لگادی ہے۔سوشل میڈیا پر وائرل ویڈیو میں دیکھا جاسکتا ہے کہ قابض بھارتی فوجی کس طرح نہتے نوجوان کو تشدد کا نشانہ بناتے ہیں جس کے باعث وہ شدید زخمی ہوجاتا ہے اسی دوران ایک بھارتی فوج نوجوان کو آگ لگادیتا ہے۔دوسری طرف بزرگ حریت رہنما سید علی گیلانی نے کہا ہے کہ بھارتی قبضے سے مکمل آزادی تک جدوجہد جاری رکھنا ہو گی۔بھارتی اقدامات کے باعث گھر میں نظر بند حریت رہنما سید علی گیلانی نے کشمیریوں کے نام اپنے خط میں لکھا کہ کشمیر میں مواصلاتی نظام بند اور ہزاروں نوجوان گرفتار ہیں، کشمیری عوام بہادری سے بھارتی مظالم کے خلاف کھڑے ہیں، بھارتی فوج مارنے کے لیے تیار اور کشمیری احتجاج کے لیے تیار ہیں۔سید علی گیلانی نے اپنے خط میں کشمیر کی تالا بندی ہے، بھارت وحشیانہ بربریت کی اطلاعات بیرون ملک پہنچنے سے روک رہا ہے، اب وقت آگیا ہے کہ بھارت نواز قیادت بھی کشمیریوں کا ساتھ دے۔بزرگ حریت رہنما نے کہا کہ بھارت کشمیر نہیں بلکہ کشمیر کی سرزمین چاہتا ہے، کشمیری عوام اپنے علاقوں میں احتجاج اور مظاہرے کریں، پاکستان اور مسلم امہ کشمیریوں کی مدد کے لیے آگے آئیں۔سید علی گیلانی نے کہا کہ مقبوضہ کشمیر سے باہر لوگ کشمیر کے سفیر بنیں اور احتجاج کریں، بھارت کی کوشش کے باوجود مسئلہ سلامتی کونسل میں اٹھایا گیا، ہمیں بھارت سے آزادی تک جدوجہد جاری رکھنا ہو گی۔
مقبوضہ کشمیر
نیویارک،بنکاک،کراچی،مظفر آباد،راولپنڈی (مانیٹرنگ ڈیسک،نیوزایجنسیاں) وزیر اعظم آزادکشمیر راجہ فاروق حیدر خان کی قیادت میں اقوام متحدہ کے ہیڈ کوارٹرز کے سامنے کشمیریوں کا احتجاجی مظاہر ہ جبکہ تھائی لینڈ میں مسلم کمیونٹی نے کابھی بھارتی مظالم کیخلاف اسلامک سنٹر بنکاک میں ایک خصوصی تقریب کا اہتمام کیا گیا۔تفصیلات کے مطابق نیویارک مظاہرے میں ڈاکٹر غلام نبی فائی،چوہدری عابد شیر علی، سردار سرور اعوان، کیپٹن خالد شاہین بٹ، ڈاکٹر امرجیت سنگھ اور دیگرکشمیری،پاکستانی اور سکھ کمیونٹی کے نمائندگا ن سمیت سینکڑوں افراد مظاہرے میں شریک تھے۔ مظاہرین نے مقبوضہ کشمیر میں ہندوستانی مظالم کے خلاف کتبے اور پلے کارڈ اٹھا رکھے تھے جن پر تصاویر اور تحریریں تھیں۔مظاہرین میں بڑی تعداد میں عورتیں اور بچے بھی شامل تھے۔مظاہرین نے ہندوستان اور نریندر مودی کے خلاف شدید نعرے بازی کی۔وزیر اعظم آزادکشمیر راجہ محمد فاروق حیدر خان نے احتجاجی مظاہرے سے خطاب کر تے ہوئے کہا کہ ہندوستان مقبوضہ کشمیر میں انسانیت کے خلاف جنگی جرائم کا مرتکب ہو رہا ہے۔ اقوام متحدہ کی سلامتی کونسل خطے کو ہولناک انسانی حادثے سے بچانے کے لیے اپنی قراردادوں پر عملدرآمد کروائے۔مقبوضہ کشمیر کے اندر بدترین لاک ڈاو¿ن ہے،وادی کو جیل بنا دیا گیا۔اقوام متحدہ اپنا کرداراداکرے۔ انہوں نے کہا کہ مقبوضہ کشمیر میں مسلسل کرفیو نافذ کر کے 80لاکھ سے زائد کشمیریوں کوقید کر دیا گیا ہے،۔وہاں ادویات اور خوراک کی شدید قلت ہے اور کشمیریوں کو مذہبی عبادات سے محروم کر دیا گیا ہے اور وہ شدید دباو¿ میں ہیں۔ مقبوضہ کشمیر میں بڑے پیمانے پر نسل کشی کا منصوبہ بنا لیا گیا ہے۔بھارت کے ان ہتھکنڈوں کا مقصد مقبوضہ کشمیر کی ڈیموگرافی تبدیل کرنا ہے۔دوسری طرف بنکاک میں خصوصی تقریب کا اہتمام تھائی مسلم کمیونٹی، پاکستان دوستی ایسوسی ایشن اور بیرون ملک مقیم پاکستانیوں کی تنظیم نے مشترکہ طور پر کیا تھا۔ تھائی لینڈ کی تاریخ میں یہ پہلا موقع ہے کہ مسلم برادری نے کشمیریوں بھائیوں کیساتھ اظہار یکجہتی کیلئے پلے کارڈ اٹھا کر مسجد کے باہر احتجاجی مظاہرہ کیا اور اقوام متحدہ سے اپیل کی کہ وہ کشمیر میں جاری بھارتی فوج کے مظالم کے سدباب اور مسلسل کرفیو کے خاتمہ کیلئے بھارت پر دبا ڈالے۔بنکاک کے اسلامک سنٹر کے مین ہال میں بھی ایک خصوصی تقریب منعقد ہوئی جس سے خطاب کرتے ہوئے پروفیسر چارن ملیم،پروفیسر سروت، مسٹر انس اماتیاکل، مس حاجا دارا اور پاکستانی سفیر آصف افتخار سمیت دوسرے رہنماں نے خطاب کرتے ہوئے کہا کہ بھارتی حکومت نے اپنے ملک کے آئین میں کشمیر کو حاصل خصوصی حیثیت ختم کرنے کے بعد وہاں دو ہفتوں سے مسلسل کرفیو نافذ کررکھا ہے جس سے کشمیریوں کی زندگی اجیرن ہوچکی ہے اور وہ مسلسل عذاب و مشکلات سے دوچار ہیں۔ مقررین نے اقوام متحدہ سے اپیل کی کہ وہ اپنی قراردادوں کی روشنی میں کشمیر کا مسئلہ فوری طور پر حل کرائے۔ اس موقع پر شیخ الاسلام اور اسلامک سنٹر تھائی لینڈکی طرف سے پیش ہونیوالی قرارداد بھی متفقہ طور پرمنظور کی گئی جس میں اقوام متحدہ کی سلامتی کونسل سے اپیل کی گئی کہ وہ کشمیر میں بیگناہ نہتے کشمیریوں کیخلاف بیلٹ گنوں کے استعمال اور قتل عام کا جاری سلسلہ بند کرائے۔ تقریب میں کشمیریوں کی آزادی اور ان کے تحفظ اور سلامتی کیلئے خصوصی دعا کرائی گئی۔ تقریب کے بعد شرکانے پلے کارڈ اٹھا کر پرامن احتجاجی مظاہرہ کیا، اس مظاہرے کو تھائی لینڈ کے میڈیا چینلز نے براہ راست ٹیلی کاسٹ اور نشر کیا۔کشمیریوں سے اظہار یکجہتی اور بھارتی مظالم کے خلاف ملک بھر میں ریلیوں اور مظاہروں کا سلسلہ جاری رہا،سکھ کمیونٹی،مسیحی اور ہندو برادری نے بھی کشمیری عوام سے بھرپور اظہار یکجہتی کیا۔ مظفرآباد میں نکالی جانے والی ریلی میں وفاقی وزیر ریلوے شیخ رشید احمد نے بھی شرکت کی۔ شرکا نے بھارت مخالف شدید نعرے بازی کی۔کراچی میں پیپلز پارٹی آزاد کشمیر، جمعیت علمائے اسلام، جمعیت علمائے پاکستان، انجمن محبانِ اہلسنت، جموں کشمیر مسلم راجپوت ایسوسی ایشن، عافیہ موومنٹ پاکستان اور مسیحی برادری کی جانب سے احتجاج کیا گیا۔مظاہروں سے خطاب کرتے ہوئے مقررین نے اقوامِ متحدہ سمیت عالمی برادری سے بھارتی مظالم کے خلاف آواز بلند کرنے کی اپیل کی۔راولپنڈی کے حلقہ ارباب ذوق کی جانب سے کشمیریوں سے اظہار یکجہتی کے لیئے ریلی کا انعقاد کیا گیا۔ادیب اور شعرا بھی شانہ بشانہ ہیں، ممتاز شاعر اور ادیب افتخار عارف کہتے ہیں بھارتی مظالم کے خلاف ہم کشمیریوں کے ساتھ کھڑے ہیں۔افسانہ نگار حمید شاہد نے کہا ادیب اور شاعر کشمیریوں کے ساتھ بھارتی مظالم کے خلاف سراپا احتجاج ہیں۔حیدرآباد میں مسیحی برادری مقبوضہ کشمیر میں بھارتی جارحیت کے خلاف سڑکوں پر آگئی۔مسیحی برادری نے جی پی او چوک سے پریس کلب تک ریلی نکالی اور مودی کے خلاف شدید نعرے بازی کی۔لاڑکانہ میں ہندو کمیونٹی بھی کشمیریوں سے اظہار یکجہتی کے لئے گھروں سے باہر آگئی۔شرکا نے پاک فوج اور کشمیری عوام کے حق میں نعرے بازی کی۔سکھر،ٹھٹھہ اور سوہاوہ سمیت دیگر شہروں میں بھی کشمیری عوام سے بھرپور اظہار یکجہتی کیا گیا.

پیرس (ویب ڈیسک) امریکی صدر ڈونلڈ ٹرمپ آج فرانس میں نریندر مودی سے ملاقات میں مسئلہ کشمیر پر باز پرس کریں گے، امریکی حکام کے مطابق صدر ٹرمپ جاننا چاہتے ہیں کہ مودی کے پاس کشیدگی ختم کرنے کے لیے کیا منصوبہ ہے۔میڈیا رپورٹس کے مطابق امریکی صدر ڈونلڈ ٹرمپ مسئلہ کشمیر کے حل کےلئے فرانس میں جی سیون اجلاس کی سائیڈ لائن پر آج بھارتی وزیراعظم نریندر مودی سے ملاقات کریں گے۔ امریکی حکام کے مطابق صدر ٹرمپ نریندر مودی سے ملاقات کے دوران ان سے خطے میں جاری کشیدگی کم کرنے اور کشمیر میں انسانی حقوق کی خلاف ورزیوں پر باز پرس کریں گے۔ امریکی صدر جاننا چاہتے ہیں کہ مودی کے پاس کشیدگی ختم کرنے کےلئے کیا منصوبہ ہے۔امریکی حکام کے مطابق امریکی صدر نریندر مودی پرمسئلہ کشمیر کے حل کے لیے مذاکرات کرنے کے لیے دباو? ڈالیں گے اور مقبوضہ وادی میں جاری کرفیو کو ہٹانے کا مطالبہ کریں گے۔