اسلام آباد(ویب ڈیسک) تحریک انصاف کی حکومت کا ایک سال مکمل ہوگیا، صحت کے شعبے میں عوام کو مشکلات اور مہنگی ادویہ کے سوا کچھ نہیں ملا۔موجودہ حکومت کے پہلے سال کے دوران وزارت قومی صحت اور اس کے ماتحت ادارے بد ترین انتظامی بے حسی کا شکار رہے۔ کسی بھی ادارے کا مستقل سربراہ تعینات نہ کیا جاسکا، وفاقی وزیر عامر کیانی کی قربانی بھی عام شہری کو سستی ادویہ فراہم نہ کرسکی۔معاون خصوصی صحت ڈاکٹر ظفرمرزا نے ادویہ کی قیمتیں واپس کرانے کے بجائے70 فیصد تک مہنگی کرنے کا نوٹیفکیشن بھی جاری کرادیا۔ فارمولے کی بنیاد پر دنیا بھر میں ادویہ کی قیمتوں میں30 فیصد اضافہ کیا جاتا ہے۔ حکومت کو پاکستان میڈیکل اینڈ ڈینٹل کونسل میں من پسند افرادکی تقرری کے بعد سبکی کا سامنا کرنا پڑا۔سینیٹ کمیٹی نے صدارتی آرڈیننس کے تحت قائم پی ایم اینڈ ڈی سی کونسل کو مسترد کردیا۔ رواں سال کئی میڈیکل کالجز میں تین چار ماہ تاخیر سے کلاسیں شروع ہوئیں۔

لاہور(ویب ڈیسک)مسئلہ کشمیر اور پانچ اگست کو مودی یلغار کی گئی اس کے خلاف مشترکہ قرارداد اتفاق رائے سے منظور ہوئی ،کشمیری عوام کو کوئی حق لینے سے روک نہیں سکتی بھارتی آئین سے چھیڑ چھاڑ سے مودی حق رائے دہی نہیں چھین سکتے ،کشمیریوں کا حق اقوام متحدہ کے قراردادوں کے مطابق ملے گا،عمران خان نے مسئلہ کشمیر کے معاملے پر ایک سال میں تاریخی کردار ادا کیا،جو سفارتی مہم و جدوجہدکی اس کی بھی کوئی نظیر نہیں ملتی،سلامتی کونسل کی تاریخ میں پہلی بار کشمیر کے مسئلہ پر بات ہوئی اور بھارت کو کہاگیاکہ سکیورٹی کونسل کی قراردادوں کے مطابق مسئلہ کرنے پر زور دیاگیا ،مودی ہٹلر کے کردار کو عمران خان نے دنیا کے سامنے اٹھایا،ن لیگ پروپیگنڈہ کررہی ہے بہانہ کشمیر میں جلسہ رکھا تھا کشمیر الیکشن سے پہلے نوازشریف جلسہ کرنے گئے انتخابی جلسہ کے بجائے پاک فوج اور بھارت کی حق میں توریر کرلے آ گئے ،بیگم صفدر اعوان نے جلسہ کرنا تھا تو وہی باتیں کرنا تھی جو ان کے والد کرتے رہے،خبط اعلی جیسی کرپشن اور بددیانتی عثمان بزدار کے دور میں نظر نہیں آئی گی ،جاتی امراءمیں ساٹھ کروڑ سے دیوار بنائی ستاون لاکھ وزیر اعلی ہاﺅس کا خرچہ تھا ،شہبازشریف کی تمام بیگمات کو ایوان وزیر اعلی ڈکلئیر کروایاگیا،پنجاب میں پہلی بار سات لاکھ بیس ہزار کا ہیلتھ کارڈ لایاگیا نام نہاد،فضل الرحمن پچھتر دفعہ اے پی سی بلا چکے ہیں ان کے دماغ پراسی لاکھ کی چربی لسی پی کر جم گئی ہے ،رانا مشہود کچھ عرصہ بعد نیب کی کسٹڈی میں ہوں گے ،کشمیر کی جدوجہد چھ ماہ کی نہیں ہے کشمیری عوام پر اندھا دھند فائرنگ کی گئی اور ریپ ہوئے اور مودی غیر قانونی طورپر پاکستان آیا ،بیگم صفدر اعوان اور ان کے والد مودی کو اپنے گھر بلواتے ،کشمیر کا نام کسی فورم پر نہیں لیا کلبھوشن کا نام کسی نے نہیں لیا۔

کراچی(ویب ڈیسک)میئر کراچی وسیم اختر اور سابق سٹی ناظم مصطفی کمال نے ایک دوسرے پر الزامات کی بوچھاڑ کر دی۔چیئرمین پاک سرزمین پارٹی مصطفیٰ کمال نے میئر کراچی وسیم اختر کا نام ای سی ایل میں ڈالنے کامطالبہ کرتے ہوئے کہا ہے کہ اگر وسیم اختر کا نام ای سی ایل میں نہیں ڈالا گیا تو وہ اپنی ٹرم کے دوران ہی ملک چھوڑ کر بھاگ جائیں گے۔ مصطفیٰ کمال کے بیان پر ردعمل دیتے ہوئے وسیم اختر کا کہنا تھا کہ مصطفیٰ کمال کو کراچی نے مسترد کیا ہے، یہ ہے کون؟انہوں نے کہا کہ مصطفیٰ کمال کے خلاف انکوائری چل رہی ہے، میں تو یہاں ہوں مصطفیٰ کمال تو بھاگ کر چلے جائیں گے۔میئر کراچی نے کہا کہ مصطفیٰ کمال نے آج تک کیا کیا ہے؟ انہوں نے چائنہ کٹنگ ہی کی ہے جب کہ اس کے مقابلے میں سعید غنی اچھا آدمی ہے۔وسیم اختر کا کہنا تھا کہ میں چاہتا ہوں کہ کراچی کے وسائل استعمال ہونے چاہئیں میں پوری کوشش کر رہا ہوں لیکن بلدیہ کے پاس اتنے اختیارات نہیں ہیں۔ان کا مزید کہنا تھا کہ میرے پاس کچرا اٹھانے کی ذمہ داری نہیں ہے، جہاں مجھے اختیارات ہیں تو وہاں وسائل نہیں ہیں۔انہوں نے کہا کہ میرے ماتحت فائر بریگیڈ، پارکس، ٹوٹی پھوٹی سڑکیں اور کے ایم سی کی اسپتالیں ہیں لیکن سڑکیں تب تک ٹھیک نہیں ہوں گی جب تک واٹر بورڈ اپنا نظام ٹھیک نہیں کرتا۔