لاہور(ویب ڈیسک)پاکستان کرکٹ ٹیم کے دورہ انگلینڈ 2020 کا شیڈول جاری کر دیا گیا جس میں 3 ٹیسٹ اور 3 ٹی ٹوئنٹی میچز کھیلے جائیں گے۔قومی ٹیم آئندہ برس 30 جولائی سے 2 ستمبر تک انگلینڈ کا دورہ کرے گی۔ پاکستان اور انگلینڈ تین ٹیسٹ ورلڈ ٹیسٹ چیمپئن شپ کا حصہ ہونگے۔پہلا ٹیسٹ 30 جولائی سے لارڈز، دوسرا 7 اگست سے اولڈ ٹریفرڈ اور تیسرا 20 اگست سے ٹرینٹ برج میں شروع ہوگا۔تین ٹی ٹوئنٹی میچز کی سیریز کا پہلا میچ 29 اگست 2020 کو کھیلا جائے گا۔ میچز ہیڈنگلے، سوفیا گارڈنز اور ایجاس باﺅل میں کھیلے جائیں گے۔