لاہور(ویب ڈیسک)صمصام بخاری کا کہنا تھا کہ عمران خان کے دورہ امریکا سے پرچی وزیراعظم اور حقیقی قائد کا فرق واضح ہوگیا۔عمران خان نے مسئلہ کشمیر پھر سے زندہ کر دیا۔کامیاب امریکی دورے پر اپوزیشن کا دکھ قابل فہم ہے ۔ کامیاب دورے پر ہماری اپوزیشن بھارت سے بھی زیادہ پریشان دکھائی دی۔ شہباز شریف کا کرپشن میں لتھڑے بڑے بھائی کا دفاع شرمناک ہے نواز شریف محب وطن ہوتے تو کرپشن کی گنگا میں نہ نہاتے۔ نون لیگ مال روڈ پر پاورشو سے مزید ایکسپوز ہوگی۔ مایوس سیاسی ٹولہ احتجاجی ریلیوں کے پیچھے نہیں چھپ سکتا۔ن لیگ کی کرپٹ قیادت کو عوامی حمایت نہیں ملے گی۔

لاہور (ویب ڈیسک)اپوزیشن کی احتجاجی جلسہ کی کال پر ترجمان وزیراعلی پنجاب ڈاکٹر شہباز گل کا ردعمل۔کرپٹ جماعتیں 25جولائی کو یوم احتساب کے طور پر یاد رکھیں گی۔جلسیاں جلسیاں کھیلنے والے احتجاجی ریلی کی آڑ میں اداروں کے خلاف پراپیگنڈہ کرنا چاہتے ہیں۔ریجکٹڈ ٹولہ جمہوریت کے نام پر اپنی کرپشن اور چوری بچانا چاہتا ہے۔ن لیگ اپنے عہدیداروں اور کارکنوں کو زبردستی بندے لانے اور گنتی پوری کرنے پر مجبور کر رہی ہے۔کرپٹ لیگ نے ہمیشہ سرکاری خرچے پر جلسے کیے۔اب اپنے خرچے پر کریں گے تو لگ پتہ جائے گا۔یقین ہے انکا کل کا شو بھی بری طرح فلاپ ہو گا۔پرچی پڑھنے اور قیمے والے نان پر سیاست کرنے والوں کا دور گزر گیا۔کیلبری کوئین صبح شام جھوٹا پراپیگنڈہ کر ری ہے۔ان کے عصاب پر عمران خان سوار ہے۔عوام کو دیانتدار، قابل اور وڑنری لیڈر مل گیا۔ کرپٹ سیاستدانوں کو حساب دینا ہوگا ۔وزیراعظم پاکستان کے کامیاب دورہ نے اپوزیشن کی بولتی بند کر دی۔پوری قوم نے دیکھ لیا ہے کس دلیری سے عمران خان نے امریکہ کے سامنے اپنا کیس لڑا۔ وزیراعظم عمران خان پاکستان کا فخر اور وڑنری لیڈر ہیں۔

لاہور:(ویب ڈیسک)امریکہ میں کشمیری عوام کا کیس پوری جرات سے پیش کرنے پر پاکستانیوں کا سر فخر سے بلند ہو گیا ہے۔مسئلہ کشمیر پر امریکی صدر کی ثالثی کی پیشکش عمران خان کی ایک اور سفارتی کامیابی ہے۔ پرچی والی سرکار اے سی اور ٹی وی کے ساتھ ٹرمپ کی ثالثی پر بھی پریشان ہے۔عشروں بعد کسی پاکستانی نے امریکہ سے ڈ±و مور کی بجائے یہ کہلوا دیا کہ پاکستان نے بہت کچھ کیا۔ پاکستان کے اندرونی اور بیرونی دشمنوں پر کل سے سکتہ طاری ہے۔

ملتان (میاں غفار سے) لودھراں شہر میں جنوبی پنجاب کے سب سے بڑے اراضی سکینڈل کا انکشاف ہوا ہے۔ ذرائع کے مطابق سابق حکومت نے اپنے آخری دنوں میں علی ترین کو ہروانے اور اقبال شاہ کو جتوانے کے لیے صرف چند لوگوں کو مفاد دینے کے لیے کیا اور حکومت پنجاب کی ایک ارب روپے کی زمین اس فراڈ کی نذر ہوگئی۔ اس فراڈ کے مرکزی کردار سابق ڈپٹی کمشنر لودھراں ہیں جنہوں نے قواعد و ضوابط کے برعکس سارے کام کیے۔تفصیل کے مطابق تحصیل لودھراں کی میونسپل کمیٹی کی حدود میں ڈسٹرکٹ ہیڈ کوارٹر ہسپتال لودھراں مقامی پرائیویٹ میڈیکل کالج کے انتہائی قریب واقع حکومت پنجاب کی ”گرومور“ سکیم کے تحت 4 مختلف پٹہ داروں کو یہ رقبہ جو کہ 12 ایکڑ 4کنال پر مشتمل تھا جسے عرف عام میں ایک لاٹ کہا جاتا ہے ، الاٹ کیا گیا اور قانون کے مطابق گرومور سکیم کا رقبہ اول تو الاٹ نہیں ہو سکتا البتہ اس کا تبادلہ ہ سکتا ہے۔ اگر اس کا بیع نامہ بھی بنے تو کم سے کم 14 سال تک یہ زمین کسی دوسرے نام ٹرانسفر نہیں ہو سکتی۔ مگر ایک ارب روپے مالیت کی یہ زمین ریونیو عملے نے محض 2کروڑ روپے رشوت کے عوض کاغذات میں ہیرپھیر کر کے ایک شخص میاں جہانگیر ارائیں کے بہنوئی قاری امید کو فروخت کرا دی۔ ضلعی انتظامیہ اور مقامی ریونیو عملے کو 2 کروڑ روپے ملے۔ بیع نامہ حاصل کرنے والوں نے 12کروڑ کمایا۔ایک کروڑ روپے کے دیگر اخراجات ہوئے اور ایک ارب روپے کی زمین 15کروڑ روپے میں قاری امید کے حوالے کر دی گئی۔ بورڈ آف ریونیو لاہور نے چٹھی نمبر 824-III-CL2011-2096 کے تحت 25 مئی 2011ئ کو واضح مو¿قف اختیار کرتے ہوئے تحریری آگاہ کیا کہ گرومور سکیم کے تحت کاشت کی جانے والی اراضی اگر ممنوعہ شہری زون میں آجائے تو الاٹی درخواست دے کر سینئر ممبر ریونیو بورڈ لاہور یا ڈسٹرکٹ کلکٹر کے روبرو یہ مو¿قف اختیار کرے کہ اس کے زیرکاشت سرکاری زمین جو کہ اسے غلہ سکیم کے تحت الاٹ ہوئی تھی کاشت کے لیے اب وہ زمین ممنوعہ زون میں آگئی ہے لہٰذا اب اسے اس کی جگہ کوئی اور زمین الاٹ کی جائے۔ قانون کے مطابق اگر زمین ممنوعہ زون میں نہ ہو تو قانونی تقاضے پورے کرنے کے بعد کاشتکار کا گرومور سکیم کے تحت سینئر کے ریونیو بورڈ کی اجازت سے ایک بیع نامہ بنایا جا سکتا ہے تو بھی بیع نامہ بننے کے 5سال بعد تک یہ زمین کسی اور کو منتقل نہیں ہو سکتی اور نہ ہی اس زمین پر کسی قسم کی کمرشل سرگرمی کی جا سکتی ہے اور اگر کوئی کاشتکار ان قوانین کی خلاف ورزی کرے تو معاہدہ منسوخ تصورہو گا۔ کیونکہ بورڈ آف ریونیو کی چٹھی جاری کردہ 25 مئی 2011ئ میں یہ بات واضح ہے مگر سابق ڈپٹی کمشنر لودھراں نے غیرقانونی طور پر محض 2 کروڑ روپے معاوضے کے عوض سرکاری زمین کا ممنوعہ زون میں بیع نامہ بنا دیا اور بیعہ نامہ بنتے ہی 5سال کی پابندی کو بالائے طاق رکھتے ہوئے فوری طور پر ایک ارب روپے کی مالیت کی زمین کو میاں جہانگیر ارائیں کے بہنوئی قاری امید کے نام پر ٹرانسفر کر دیا گیا اور یہ سارا عمل صرف 4 ماہ مکمل کر دیاگ یا جس کے بعد ڈپٹی کمشنر راجہ خرم شہزاد نے ٹرانسفر کروالیا۔ اس وقت صورتحال یہ ہے کہ گرومور سکیم کی یہ ساڑھے 12 ایکڑ اراضی میاں جہانگیر اورقاری امید نے اورین ہا?سنگ سکیم بنا کر 5 لاکھ روپے فی مرلہ رہائشی اور 8 لاکھ روپے فی مرلہ کمرشل پلاٹ 4سال کی قسطوں پر فوری طور پر فروخت کردی ہے۔ اس سلسلے میں حقائق سامنے آنے پر جب موجودہ ڈپٹی کمشنر کو شہریوں اور متعلقہ زمین کے خریداروں کا ایک وفد پیش ہوا تو انہوں نے کہا کہ میں کمزور ہوں میاں جہانگیر ارائیں بہت طاقتور ہیں اور مجھے ایک منٹ میں ٹرانسفر کرا دیں گے۔

لاہور (نمائندہ خصوصی) قومی احتساب بیورو (نیب) لاہور کی طلبی کے نوٹس پر سابق وزیر اعظم نواز شریف کے بھیجتے یوسف عباس مشترکہ تحقیقاتی ٹیم کے رو برو پیش ہو گئے ، یوسف عباس نے بعض سوالات کے جوابات کے لئے مہلت طلب کر لی جس پر انہیں سوالنامہ بھی دیدیا گیا، نواز شریف کی صاحبززادی مریم نواز بھی ایک کروڑ شیئرز کی مالک ہیں۔ بتایا گیا ہے کہ یوسف عباس نے نیب کی ٹیم کے تفصیل سے جوابا ت دیئے۔ انہوں نے بتایا کہ 1995سے شیئرز ہولڈر ہیںاور باقاعدہ سے ٹیکس جمع کراتے ہیں۔نجی ٹی وی کے مطابق سوال و جواب کے دوران یہ بھی سامنے آیا کہ مریم نواز بھی شوگر ملز میں شیئر ہولڈرز ہیں۔ نیب کی جانب سے شوگر کی برآمد اس کی مد میں رقم کی وصولی کے طریق کار، بینک اکا?نٹس کے بارے میں بھی سوالات کئے گئے۔ ذرائع کے مطابق یوسف عباس سے شمیم شوگر مل میں سرمایہ کاری اور قرض کے حوالے سے بھی استفسار کیا گیا ہے اورٹی ٹی کی صورت میں موصول یا بھیجی جانے والی رقوم اورمختلف کمپنیوں کو دئیے جانے والے قرض کے حوالے سے بھی سوالات پوچھے گئے۔ ذرائع کے مطابق یوسف عباس نے بعض سوالات کے بارے میں ریکارڈ سے دیکھ کر جواب دینے کی مہلت طلب کی جس کے بعد انہیں سوالنامہ بھی دیا گیا جس کے بعد وہ نیب آفس سے رخصت ہو گئے۔

فیصل آباد (سپیشل رپورٹر) تبدیلی سرکار کا رنامہ ’حکومتی ممبران قومی صوبائی اسمبلی کے دبا? پر پولیس نے حکومت مخالف تقریر کرنے ،کارکنوں کو حکومت کے خلاف اکسانے اور نعرے بازی کرنے کے علاوہ لا?ڈ سپیکر کا بے جا استعمال کرنے کے الزام میں نائب صدر مسلم لیگ ن مریم نواز انکے شوہر کیپٹن(ر) صفدر حسین ، درجنوں لیگی موجودہ و سابقہ ایم این اے و ایم پی اے ، رانا ثنائ اللہ کی اہلیہ نبیلہ سمیت 6ہزار کے قریب کارکنوں کے خلاف تھانہ سمن آباد، تھانہ فیکٹری ایریا، تھانہ سرگودھا روڈ، تھانہ نشاط آباد، تھانہ سول لائن، تھانہ ریل بازار میں مقدمات درج کر لئے گئے، آن لائن کے مطابق21 جولائی کی رات مسلم لیگ(ن) کی نائب صدر مریم نواز اپنے شوہر کیپٹن صفدر حسین، سابق گورنر سندھ محمد زبیر، سابق معاون خصوصی نواز شریف مصدق ملک کے ہمراہ کوریاں پل کے قریب رانا ثنائ اللہ کی گرفتاری پر انکی فیملی سے اظہار یکجہتی کے سلسلہ میں فیصل آباد آئیں تھی اور ایک مشروب ساز فیکٹری کے قریب سٹیج بنا کر خطاب کرتے ہوئے موجودہ حکومت کے خلاف نازیبا الفاظ استعمال کرتے ہوئے حکومت اور انتظامیہ کے خلاف نعرے بازی کی اور کارکنوں کو اشتعال دلوایا کہ وہ اپنے قائدین کے خلاف انتقامی کارروائیوں اور جھوٹے مقدمات کے سلسلے میں سڑکوں پر نکل آئیں، 6تھانوں میں کارکنوں کو ریلیو ں کی شکل میں لا کر روڈ بلاک کروانے اور حکومت مخالف تقریر کرنے پر رانا ثنائ اللہ کی اہلیہ نبیلہ، انکے داماد شہریار خان، سابقہ میئر رزاق ملک ، ایم این اے جاوید لطیف، ایم این اے عائشہ رجب بلوچ، ایم این اے شہباز بابر، ایم پی اے اجمل آصف، ظفر اقبال ناگرہ، فقیر حسین ڈوگر، شفیق گجر، رانا علی عباس، مہر حامد رشید، جعفر علی ہوچہ، سابق ایم این اے اکرم انصاری،میاں عبدالمنان، خالدہ منصور، صفدر شاکر، طلال چوہدری، اعجاز احمد ورک، سابقہ ایم پی ایز میں محمد نواز ملک، خلیل طاہر سندھو، را? کاشف رحیم، سٹی صدر شیخ اعجاز احمد، صوبائی صدر یوتھ ونگ چوہدری کاشف نواز رندھاوا، عرفان منان، میاں ضیائ الحق، اسرار احمد منے خاں، طارق جانباز، شیخ قیصر ، را? کاشف رحیم، سابق ایم پی اے، مدیحہ رانا، شفیق گجر، ایم این اے رجب لوچ، ضلعی صدر میاں قاسم فاروق سمیت 6ہزار کے قریب کارکنوں کے خلاف 16ایم پی او، 147/149/186/352/2، 91/290/341/504 اور پنجاب سا?نڈ ایکٹ و دیگر دفعات کے تحت مقدمات درج کر لئے گئے، پولیس نے گرفتاری کے لئے چھاپے مارنا شروع کر دیئے۔جبکہ مسلم لیگ (ن) کی نائب صدر محترمہ مریم نواز کی فیصل آباد آمد پر استقبالیہ ریلیوں کو روکنے کیلئے کھڑی کی جانیوالی رکاوٹیں بے سود ثابت ہوئیں اور استقبالیہ ریلیوں و جلسہ میں لیگی کارکنوں کی بھر پور شرکت پرایم این اے میاں فرخ حبیب ،صوبائی وزیر چوہدری ظہیرالدین سمیت دیگر حکومتی ممبران قومی صوبائی اسمبلی ضلعی انتظامیہ اور پولیس پر برس پڑے ، ضلعی انتظامیہ اور پولیس کو ٹاسک دیا گیا تھا کہ ریلی نہیں نکلنی چاہیے اور ایک خفیہ ٹیم بھی تشکیل دی گئی تھی جو رپورٹ تیار کررہی ہے کہ محترمہ مریم نواز کی فیصل آباد آمد پر استقبالیہ ریلی بہت بڑی تھی ، یہ رپورٹ عنقریب وزیراعظم عمران خان کو پیش کی جائے گی ، ذرائع کے مطابق جو چارج شیٹ تیار کی جارہی ہے وہ کمشنر ، قائمقام ڈپٹی کمشنر ، آر پی او اور سی پی او کو کھڈے لائن لگانے کا باعث بن سکتی ہے ، وزیراعظم عمران خان کی امریکہ سے واپسی پر اس سلسلے میں عملی اقدامات اٹھائے جائیں گے۔ پولیس رپورٹ کے مطابق تھانہ سول، تھانہ ریل بازار، تھانہ سرگودھا روڈ، تھانہ نشاط آباد، تھانہ فیکٹری ایریا اور تھانہ سمن آباد میں درج مقدمات میں موقف اختیار کیا گیا ہے کہ مسلم لیگ ن کی نائب صدر مریم نواز، ان کے شوہر کیپٹن ریٹائرڈ صفدر حسین، ثابق صوبائی وزیر قانون رانا ثنائ اللہ کی اہلیہ نبیلہ بی بی، داماد رانا شہر یار، سابق گورنر محمد زبیر، سابق معاون خصوصی نواز شریف مصدق ملک، سابقہ مئیر رزاق ملک، ایم این ایز جاوید لطیف، عائشہ رجب بلوچ، شہباز بابر، ایم پی ایز اجمل آصف، ظفر اقبال ناگرہ، فقیر حسین ڈوگر، شفیق گجر، رانا علی عباس، مہر حامد رشید، جعفر علی ہوچہ، سابق ایم این ایز اکرم انصاری، میاں عبدالمنان، خالدہ منصور، صفدر شاکر، طلال چوہدری، اعجاز احمد ورک، سابق ایم پی ایز مدیحہ رانا، نواز ملک، خلیل طاہر سندھو، راو¿ کاشف رحیم، سٹی صدر شیخ اعجاز، صوبائی صدر یوتھ ونگ چوہدری کاشف نواز رندھاوا، عرفان منان، میاں ضیائ الحق، اسرار احمد منے خاں، طارق جانباز، ضلع صدر میاں قاسم فاروق، سابق و موجود بلدیاتی نمائندوں سمیت پانچ ہزار آٹھ سو پچپن نامزد و نامعلوم افراد ضلعی انتظامیہ سے اجازت نہ ملنے کے باوجود کمال پور انٹرچینج سے لے کر سرگودھا روڈ، چناب کلب چوک، بیرون کارخانہ بازار، ڈجکوٹ روڈ سے ریلی کی صورت گزرے اور پل کوریاں کے قریب اسٹیج بنا کر روڈ بلاک کر کے جلسہ کیا، اور اس دوران امن و امان میں خلل پیدا کیا، شہریوں کو مشکلات میں مبتلا کیا، قانون کی خلاف ورزی کرتے ہوئے ساو¿نڈ سسٹم کا کھلے عام استعمال کیا، حکومت وقت کے خلاف سنگین الفاظ میں نعرے بازی کی اور اپنی تقاریر سے کارکنوں کو حکومت کے خلاف بھڑکانے کی کوشش کی، پولیس مصروف کاروائی ہے تاہم ابھی تک کوئی گرفتاری عمل میں نہیں لائی جا سکی۔