لاہور (ویب ڈیسک)صوبائی وزیر برائے کالونیز فیاض الحسن چوہان نے کہا ہے کہ وزیراعظم پاکستان عمران خان کی ہدایات کے مطابق تمام کمرشل و زرعی سرکاری اراضی کا ریکارڈ جلد از جلد کمپیوٹرائزڈ کیا جائیگا۔ اس سلسلے میں بورڈ آف ریونیو کی کالونیز برانچ کو پی سی – ون تیار کرنے کی ہدایات جاری کر دی گئی ہیں۔ انہوں نے مزید کہا کہ پنجاب کے تمام اضلاع میں دستیاب سرکاری اراضی کا ڈیٹا حاصل کر کے نیا پاکستان ہاﺅسنگ سکیم کے لیے اراضی فراہم کی جاﺅ گی تا کہ وزیراعظم پاکستان عمران خان کے 50 لاکھ گھروں کے خواب کو عملی جامہ پہنایا جا سکے۔ ان خیالات کا اظہار انہوں نے گزشتہ روز کالونیز برانچ کے اعلیٰ سطحی وفد سے ملاقات میں کیا۔ وفد میں ممبر کالونیز سہیل شہزاد، ڈی جی کچی آبادیز رانا خالد محمود ، سیکرٹری پرائیویٹائزیشن بورڈ زبیر کھرل اور دیگر افسران شریک تھے۔ ملاقات میں کالونیز برانچ کو جدید خطوط پر استوار کرنے کے حوالے سے مختلف تجاویز پر تبادلہ خیال کیا گیا۔ اس موقع پر بات کرتے ہوئے صوبائی وزیر برائے کالونیز فیاض الحسن چوہان نے کہا کہ وزیراعظم کی ہدایات کے مطابق زرعی و کمرشل سرکاری اراضی پر غیر قانونی قابضین کی تفصیلات طلب کر لی ہیں تا کہ ان کے مناسب سدباب کے لیے اقدامات کیے جا سکیں۔ انہوں نے مزید کہا کہ دستیاب سرکاری اراضی کے بہتر استعمال کے حوالے سے جامع پالیسی بنا رہے ہیں۔ اس حوالے سے اراضی معاملات میں ٹیکنالوجی کے استعمال سے فائدہ اٹھایا جا سکتا ہے۔ انہوں نے مزید کہا کہ گزشتہ 10 سال میں سرکاری زمینوں کے حوالے سے کی جانے والی خوردبرد کو منظر عام پر لایا جاﺅ گا۔ انہوں نے اعلیٰ افسران سے بات کرتے ہو? یہ بھی کہا کہ ٹیکنالوجی کے بغیر مستقبل میں ہماری کوئی جگہ نہیں۔

لاہور(ویب ڈیسک)چیئرمین برابری پارٹی پاکستان جواد احمد کا کہنا ہے کہ گورنر اسٹیٹ بنک باقر رضا کا مہنگائی بڑھنے کا اعلان تشویش ناک ہے،اسٹیٹ بنک کی نئی مالیاتی پالیسی کے مطابق شرح سود میں ایک فیصد اضافہ کیا گیا ہے جس کے بعد مہنگائی مزید بڑھے گی،پاکستان تحریک انصاف ملکی تاریخ میں ایک سال سے کم عرصے میں سب سے بھاری قرضے لینے والی پہلی جماعت مگر حیرت کی بات یہ ہے کہ نہ تو اسے ابھی تک کوئی منصوبہ شروع کرنے کی ہمت ہوسکی ہے اور نہ ہی عام کو اس کے بارے میں تفصیلات سے آگاہ کرنے کی کسی کو جرات ہورہی ہے، بہت جلد ایسا وقت آئیگا جب ہر پاکستانی ذمہ دار شہری حکومت سے یہ سوال کریگا کہ اس کا حق حلال کا پیسہ جو ٹیکس کی صورت لیا گیا وہ کدھر جا رہا ہے ان باتوں کا اظہار انھوں نے پارٹی کے مرکزی سیکرٹیریٹ میں سینٹرل ایگزیکٹو ممبران سے گفتگو میں کیا اس موقع پر ان کا مزید کہنا تھا کہ تحریک انصاف کی حکومت نے کھاد فیکٹریوں،سی این جی مالکان، بااثر صنعتکاروں اور تاجروں کو آرڈیننس کے ذریعے ایمنسٹی سکیم دینے کی تیاری کرلی جس کے تحت ملک بھر کے غریب کسانوں اور عوام سے گیس انفراسٹرکچر ڈویلپمنٹ سرچارج کی مد میں وصول شدہ 208ارب روپے معاف اور سرچارج ریٹ رواں ہفتے کم کردیا جائیگایہ سب سے بڑی ”رقم معاف سکیم“ ہوگی جس سے ایک مرتبہ پھر ملک بھر کے مافیازد بھرپور مالی فائدہ حاصل کرینگے، ریاست مدینہ کے نام پر حکومت لینے والے کہاں گئے اور اب ان کا ہر اقدام ابھی تک انتخابی نعروں کے برعکس جا رہا ہے،ہر سیاستدان پرکشش نعروں میں عوام کیلئے ریلیف دینے کی باتیں کرتا ہے اور حکومت میں آکر کچھ بھول کر عوام دشمنی کا مظاہرہ کرتا ہے اور عوام بے چارے اپنی مجبوریوں اور لاچاریوں میں ہی پستے رہتے ہیں۔

لاہور (ویب ڈیسک)وزیراعلیٰ پنجاب سردار عثمان بزدار کاموسلادھاربارش کے دوران لاہور کے مختلف علاقوں کا دورہ۔وزیراعلیٰ عثمان بزدار نے خود گاڑی ڈرائیو کی۔وزیراعلیٰ عثمان بزدار نے شملہ پہاڑی،بوہڑ والا چوک،مال روڈ،منٹگمری روڈ،لکشمی چوک،جی پی او چوک اوردیگر علاقوں میں شدیدبارش کے بعد پیدا ہونے والی صورتحال کا جا ئزہ لیا۔وزیراعلیٰ پنجاب نے بارش کے پانی میں پھنسی خواتین اوربچوں کو اپنی گاڑی میں بیٹھایا اورانہیں ان کے متعلقہ مقام پر پہنچایا۔وزیراعلیٰ نے نکاسی آب کے انتظامات کا جائزہ لیا۔جتنی جلدی ممکن ہوسکے نکاسی آب کا کام مکمل کیا جائے۔نکاسی آب کے لئے تمام تر وسائل اورمشینری بروئے کار لائی جائے۔وزیراعلیٰ کی انتظامیہ اور واسا حکام کوپانی کے نکاس کی خود نگرانی کرنے کی ہدایت۔انتظامی افسرا ن اورواسا حکام نکاسی آب مکمل ہونے تک فیلڈ میں خود موجود رہیں۔بارش کے دوران سڑکوں پر ٹریفک رواں دواں رکھنے کیلئے ٹریفک پولیس مستعدی سے کام کرے۔لاہور کو پیرس بنانے کا دعوی کرنے والوں نے شہر میں پانی کے نکاس کا کوئی منصوبہ نہیں بنایا۔شہر میں سفید ہاتھی نما منصوبہ بنانے والوں نے نکاسی آب کا بنیادی انتظام نہیں کیا۔ شہریوں کی مشکلات کا جلد ازالہ کیا جائے گا۔میں عوام سے ہوں اورعوام کی مشکلات کے جلد ا زالے کیلئے انتظامیہ کو متحرک کردیاہے۔ترجمان وزیراعلیٰ پنجاب ڈاکٹر شہبازگل وزیراعلیٰ کے ہمراہ تھے۔علاوہ ازیںوزیراعلی پنجاب کا حالیہ بارش کے بعد شہر میں نکاسی آب کی صورتحال جاننے کیلئے سیف سٹیز اتھارٹی کا دورہ۔مانیٹرنگ سینٹر سے شہر کے مختلف مقامات پر کھڑے پانی اور نکاسی آب کے آپریشن کا جائزہ لیا۔وزیراعلیٰ نے کیمروں کے زریعے شہر کا جائزہ لیا اور انتظامیہ کو ضروری ہدایات دیں۔تمام متعلقہ افسران فیلڈ میں جائیں اور شہریوں کی سہولت کیلئے فوری اقدامات کریں۔ترجمان وزیراعلیٰ پنجاب ڈاکٹر شہباز گل بھی ہمراہ ہیں۔ایم ڈی سیف سٹیز علی عامر ملک اور چیف آپریٹنگ آفیسر اکبر ناصر خان نے وزیراعلی کو بریفنگ دی۔