لاہور(شوبزڈیسک)ٹک ٹاک کی دنیا میں آکر معروف ہونیوالی حریم شاہ کے والد کی بھیگی آنکھوں سے وڈیو وائرل ہو گئی جس میں وہ اپنی بیٹی کی ہدایت کی دعا مانگ رہے ہیں ۔ ضرار حسین نے وڈیو میں کہا کہ انہوں نے اپنی بیٹی حریم شاہ جس کا اصل نام فضہ حسین ہے کو کالج کی تعلیم کے بجائے دینی تعلیم دلوائی اور اسے عالمہ بنانا چاہا لیکن مجھے جانے کونسے گناہوں کی سزا ملی ہے۔ انہوں نے کہا کہ میں نے اپنے والد کو ایک بار ناراض کیا تھا اور بعدازاں معافی مانگ لی تھی ممکن ہے اس دوران والد صاحب کی کوئی بددعا اثر کر گئی ہو۔ سوشل میڈیا پر حریم شاہ کے فین اور دیگر صارفین اسے بہت سخت الفاظ میں برا بھلا کہہ رہے ہیں کئی صارفین کا کہنا ہے کہ حریم شاہ نے اپنے ضعیف والد کو ستایا ہے ایسی اولاد تو پیدا ہی نةہ ہو تو اچھا ہے۔ حریم شاہ کے والد کا کہنا تھا کہ انہوں نے اپنی بیٹی کو اس لئے یونیورسٹی کی تعلیم نہ دلوائی کہ قبیلے والے باتیں نہ کریں۔لیکن اس نے دینی تعلیم حاصل کر کے بھی مجھے رلا دیا۔تیرہ منٹ کی اس وڈیو کے دوران ضرار حسین کئی بار روئے۔ادھر افواہیں گردش کر رہی ہیں کہ حریم شاہ ان دنوں آذر بائجان کے دارلحکومت باکو میں نیشنلٹی کی کوششوں میں مصروف ہے اور زیر زمین چلی گئی ہیں۔
