ایکس (ٹوئٹر) میں ایک نیا ویڈیو پلیئر متعارف کرایا گیا ہے۔
ایکس کی جانب سے ویڈیوز کا تجربہ بہتر بنانے کے لیے حالیہ مہینوں میں کافی کام کیا گیا ہے۔
ایکس کے پراڈکٹ ہیڈ Nikita Bier نے اس نئی اپ ڈیٹ کا اعلان کیا۔
کچھ قبل انہوں نے تسلیم کیا کہ تھا ایکس کے پرانے ویڈیو پلیئر کو نیا بنانے کی ضرورت ہے۔
اب ری ڈیزائن ویڈیو پلیئر پیش کر دیا گیا ہے جس کا مقصد ویڈیو دیکھنے کا تجربہ زیادہ بہتر بنانا ہے خاص طور پر موبائل ڈیوائسز میں۔
اس اپ ڈیٹ کو آئی او ایس ڈیوائسز کے لیے متعارف کرایا گیا ہے جس سے صارفین سنگل کلک پر اسکرین کو ٹک ٹاک کی طرح بناسکیں گے۔
ایکس کی جانب سے یہ تبدیلی اس وقت کی گئی ہے جب امریکا میں ٹک ٹاک کو امریکی سرمایہ کاروں کے گروپ نے خرید لیا ہے۔
تو ایکس کی جانب سے اس موقع پر خود کو ٹک ٹاک کے مقابلے پر پیش کرنے کے لیے یہ تبدیلی کی گئی ہے۔
اس سے قبل ایکس میں ورٹیکل ویڈیو فیڈ کو 2025 میں متعارف کرایا گیا تھا۔
