محکمہ ہیلتھ کا بیڑہ غرق لاہور سے نشتر دوائیاں بھجوانے کیلئے پٹرول کے پیسے ختم

ملتان (فرید ملک سے ) ہیلتھ ڈیپارٹمنٹ کی مبینہ نااہلی یاپھر فنڈز کی قلت،محکمہ صحت و آبادی
سمیت سپیشلایزڈ ہیلتھ کیئر دونوں انتظامی ومالی بحران سے دوچار ،محکمہ صحت وآبادی میں ایڈیشنل سیکرٹری ٹیکنیکل ڈاکٹر زوہیب حسن سینئر کی موجودگی میں جونیئر ترین ایم او سے ایس ایم او تک کے محدود دورانیہ میں ہیلتھ سیکرٹریٹ کے اعلیٰ عہدوں کے لطف اٹھا رہا ہے۔متعدد ہسپتالوں میں لینز نا ہونے سے سفید موتیا کے سینکڑوں غریب مریض آنکھوں کے آپریشن کے لیے دھکے کھا رہے ہیں۔اور تو اورصوبہ میں ایڈز کنٹرول پروگرام کا ادارہ پنجاب ایڈز کنٹرول کے ڈاکٹرز وطبی عملہ کو رواں مالی سال کے شروع ہونے سے اب تک کئی ماہ کی تنخواہیں جاری نہیں ہوسکیں۔ادھر سپیشلایزڈ ہیلتھ کیئر کے زیر انتظام چلنے والے جنوبی پنجاب کے بڑے ہسپتال نشتر ہسپتال میں مختلف ادویات کی قلت تو ہے ہی۔لیکن ہیپاٹائٹس کے مریضوں کی میڈیسن ختم ہوئے عرصہ گزر گیا ہے۔لاہور سے ہیپاٹائٹس کی ادویات کے لیے گاڑی بھیجنے کیلئے پٹرول کی رقم نہیں۔نشتر انتظامیہ کہتی ہے ابھی ٹھیکہ باقی ہے۔میدیسن پہنچ ہی جائے گی۔طبی وسماجی حلقوں نے سیکرٹری ہیلتھ ،وزیر صحت ،وزیر اعلیٰ پنجاب مریم نواز سمیت دیگر حکام بالا سے فوری نوٹس لینے کا مطالبہ کیا ہے۔
دوائیاں