نجی ہوٹل کے سالانہ اجلاس میں مبینہ ہنگامہ’ہائیکورٹ کا پولیس کو ایف آئی آر منسوخ کرنے کاحکم

لاہور( کورٹ رپورٹر) لاہور ہائیکورٹ کے جسٹس محمد جواد ظفر نے نجی ہوٹل کمپنی کے سالانہ اجلاس میں مبینہ ہنگامے کے الزام میں تھانہ گلبرگ میں درج ایف آئی آر منسوخ کرنیکا حکم دیدیا،عدالت نے مجسٹریٹ اور ایڈیشنل سیشن جج کیدونوں احکامات کالعدم قرار دے دیئے،ایف آئی آر کیمطابق خاتون کے بیٹے پر دھمکی دینے، گریبان پکڑنے اور کپڑے پھاڑنے کے الزامات لگائے گئے تھے پولیس نے کیس کی کینسلیشن رپورٹ پیش کی تھی، تاہم مجسٹریٹ نے اس سے اختلاف کرتے ہوئے ملزموں کو طلب کر لیا تھا سیشن کورٹ نے اس حکم کے خلاف دائر ریویژن بھی مسترد کر دی تھی، عدالت نے فیصلہ میں قرار دیا کہ مجسٹریٹ پولیس رپورٹ سے اختلاف کر سکتا ہے، مگر ملزم کی طلبی ریکارڈ پر موجود قابلِ اعتراض مواد کی بنیاد پر ہونی چاہیے، محض شکایت کنندہ کے الزامات پر نہیں عدالت کے مطابق طلبی کا حکم میکانکی انداز میں یا شکایت کنندہ کو الزامات کھنگالنے کا فورم فراہم کرنے کے لیے جاری نہیں کیا جا سکتا، کسی کا میڈیکو لیگل سرٹیفکیٹ ریکارڈ پر موجود نہیں اور تشدد کا الزام صرف شکایت کنندہ کے بیان پر مبنی ہے سی سی ٹی وی فوٹیج کے بارے میں عدالت نے کہا کہ اس کا ماخذ، محفوظ تحویل اور شناخت ثابت نہیں ہوئی، اس لیے اسے غیر تصدیق شدہ قرار دیا گیا،عدالت نے وضاحت کی کہ فیصلے میں کئے گئے مشاہدات عارضی نوعیت کے ہیں اور فریقین کے دیگر مقدمات پر اثر انداز نہیں ہوں گے۔