لاہور(سٹی رپورٹر) وزیراعلی پنجاب مریم نواز شریف کے ویژن ستھرا پنجاب کے تحت ایل ڈبلیو ایم سی میں انقلابی اصلاحات کا سلسلہ جاری ہیں۔اس سلسلے میں سی ای او شہریار عارف خان کی ہدایت پر ایل ڈبلیو ایم سی نارتھ ورکشاپ میں ٹریفک پولیس افسران کی معاونت سے ستھرا پنجاب لاہور کے ایل ٹی وی اور ایچ ٹی وی ڈرائیورز کے لیے خصوصی تربیتی سیشن کا انعقاد کیا گیا۔پہلے مرحلے میں ایل ڈبلیو ایم سی کے سو ڈرائیورز کو ٹریفک قوانین اور روڈ سیفٹی کے حوالے سے خصوصی آگاہی فراہم کی گئی۔ خصوصا ہیوی مشینری پر تعینات ڈرائیورز کو حادثات سے بچا اور محفوظ ڈرائیونگ کے حوالے سے خصوصی تربیت دی گئی۔جبکہ ٹریفک پولیس افسران نے ڈرائیورز کو دورانِ ڈیوٹی ڈسپلن اورحفاظتی اصولوں کے مثر استعمال کے بارے میں آگاہ کیا۔ستھرا پنجاب لاہور کی جدید گاڑیوں پر تعینات ڈرائیورز کو گاڑی چلانے کی جدید تکنیک، گاڑیوں کی دیکھ بھال اور فیول مینجمنٹ کے حوالے سے بھی مکمل معلومات فراہم کی گئیں۔کنٹینرزکلیئرنس اور ویسٹ کی منتقلی کے دوران ٹریفک قوانین کی پابندی اور ضروری احتیاطی تدابیر اختیار کرنے پر بھی خصوصی توجہ دلائی گئی۔ٹریفک پولیس افسران نے تمام ڈرائیورز کو ہدایت کی کہ ہیوی مشینری میں کسی بھی قسم کی تکنیکی خرابی محسوس ہونے پر فوری طور پر ورکشاپ میں موجود مکینک سے گاڑی کی جانچ کروائیں۔سی ای او ایل ڈبلیو ایم سی شہریار عارف خان کی ہدایت پرستھرا پنجاب لاہور کے 3 ہزار سے زائد ڈرائیورز کو جدید تقاضوں سے ہم آہنگ کرنے کے لیے مرحلہ وار تربیتی سیشنز منعقد کیے جائیں گے۔ تربیتی سیشنز کا مقصد ڈرائیورز کو دورانِ ڈیوٹی ٹریفک قوانین کی پاسداری اور روڈ سیفٹی کے اصولوں پر عملدرآمد سے آگاہ کرنا ہے۔ تربیت یافتہ عملہ ہی کسی بھی ادارے کا مضبوط ستون ہوتا ہے۔ڈرائیورز کی پیشہ ورانہ صلاحیتوں میں اضافے کے لیے تربیتی اقدامات جاری رکھے جائیں گے۔
