ناقص گوشت سپلائی کرنیوالوں کیخلاف کریک ڈائون’2من گوشت تلف

لاہور(سٹی رپورٹر) ڈی جی پنجاب فوڈ اتھارٹی منصور احمد کے حکم پر ناقص گوشت سپلائی کرنے والوں کے خلاف کریک ڈان جاری ہے، کچا جیل روڈ پر گھر میں بنے غیر قانونی مذبح خانے پر چھاپہ، 2 من ناقص بدبودار گوشت تلف کر کے مقدمہ درج کروا دیے گئے، رہائشی علاقے میں چھپ کر گھر میں ناقص گوشت تیار کیا جا رہا تھا، بدبودار ایکسپائر گوشت برآمد ہونے پر کارروائی عمل میں لائی گئی، گوشت کی رنگت تبدیل اور مختلف بیماریوں کا شکار پایا گیا، ناقص گوشت بغیر پیکنگ اور لازم ٹیگنگ فریزر میں رکھا پایا گیا،ویجی لنس ٹیموں کی خفیہ اطلاع پر کارروائی عمل میں لائی گئی ، ڈی جی فوڈاتھارٹی نے کہا مضر صحت گوشت کا کاروبار کرنے والوں کے خلاف زیرو ٹالرنس ہے،غیر معیاری گوشت فروخت کرنے والوں کی اطلاع 1223 پر دیں۔