لاہور(کرائم رپورٹر)ہربنس پورہ پولیس نے موٹر سائیکلیں اور گھریلو سامان چوری کرنے والا ملزم گرفتار کر لیا ترجمان کے مطابق *ڈی آئی جی آپریشنز فیصل کامران کی ہدایت پر جرائم پیشہ عناصر کے خلاف کاروائی میں ایس ایچ او ہربنس پورہ انسپکٹر محسن شہز اد اولکھ نے ملزم سفیان کو سی سی ٹی وی فوٹیج کی مدد سے گرفتار کر کے ملزم کے قبضے سے دو عدد ہونڈا 125 موٹر سائیکلیں، پانچ بیٹریاں، تین واٹر موٹرز اور دو موبائل فون برآمد کر کے مقدمہ درج کر لیا پولیس کا کہنا ہے کہ ریکارڈ یافتہ ملزم رہائشی علاقوں سے موٹر سائیکلیں، گاڑیوں سے بیٹریاں اور گھروں سے واٹر موٹرز چوری کرنے کی وارداتوں میں ملوث تھا۔
