لاہور(مانیٹرنگ ڈیسک) چینل فائیو کے پروگرام مرحبا رمضان میں میزبان صائم علی اور مائرہ خان کے ساتھ گفتگو کرتے ہوئےمذہبی سکالرعلامہ فضل الرحیم نے بتایا کہ انسانی بدن میں چھوٹا سا ٹکڑا زبان بہت اہمیت کا حامل ہے ہمیں زبان کا غلط استعمال نہیں کرنا چاہئے غلط استعمال سے گھر کے گھر اجڑ جاتے ہیں زبان کا استعمال ارشادات نبوی کی روشنی میں کریں زبان کی حفاظت کریں آخرت سنور جائے گی اور سارے وائرس دور ہو جائیں گے۔اللہ نے فرمایا کسی کو گالی دینا بڑا برا عمل ہے اور کسی کی غیبت کرنا مردہ بھائی کا گوشت کھانے سے بھی بدتر ہے۔نبی کریم نے فرمایا تم زمین والوں پر رحم کرو آسمان والا تم پر رحم کریگا۔افسوس آج ہم اپنی زبان سے دوسروں کی دل آزاری کر رہے ہیں مسلمان تو وہ ہے جس کی زبان و ہاتھ سے دوسرے محفوظ رہیں زبان کا درست استعمال انسان کو جنت جبکہ غلط استعمال دوزخ میں لے جاتا ہے۔روزہ صرف کھانا پینا چھوڑنے کا نام نہیں یہ تو تقویٰ پیداکرتا ہے۔ دنیا کی بڑی بڑی طاقتیں سر جوڑے بیٹھی ہیں لیکن کرونا وائرس کا ابھی تک کچھ پتہ نہیں چل سکا ۔اتنے نازک حالات میں بھی ہم توبہ کی طرف نہیں آئے۔ معروف اداکارہ لیلی زبیری نے بتایا کہ آج کل شوٹنگز بند ہونے کی وجہ سے فیملی کے ساتھ بڑا اچھا وقت گزر رہا ہے۔بہت انجوائے کر رہی ہوں افطاری و کھانا خود ہی بنا رہی ہوں۔اللہ کا شکر ہے میں ہر حال میں خوش و مطمئن رہتی ہوں ۔میاں بیوی کو ایک دوسرے سے محبت کرنی چاہئے زندگی خوشیوں سے گزاریں انڈر سٹیڈنگ پیدا کریں میرے شوہر مجھے بہت سپورٹ کرتے ہیں۔خود میں عاجزی پیدا کریں اعلی ظرف ہمیشہ عاجزی سے ملتے ہیں ہم کچھ بھی نہیں تمام نعمتیں اللہ کی طرف سے ہیں۔قرآن نے عورتوںکو بہت حقوق دیے قرآن ترجمے سے سمجھ کر پڑھیں تاکہ اپنے حقوق کا علم ہو۔کرونا وائرس ہمارے لئے بڑا سبق اور وارننگ ہے کہ ہم بے بس ہیں لگتا ہے اللہ ہم سے ناراض ہیں،ہمیں اپنے اعمال درست کرنا ہیں ان حالات میں غربا و بے روزگاروں کی اس طرح مدد کریں کہ وہ اپنے پاﺅں پر کھڑے ہو سکیں۔ صبر کا دامن نہ چھوڑیںذخیرہ اندوزی اور چیزیں سٹاک مت کریں زندگی کا کوئی پتہ نہیں۔سبزیاں،پھل کھائیں تلی چیزوں سے پرہیز کریں۔کرونا خود چل کر آپ کے گھر نہیں آتا آپ لے کر آتے ہیں باہر مت نکلیں۔

لاہور(مانیٹرنگ ڈیسک) مذہبی سکالرعلامہ راغب نعیمی کرونا کی وباءہماری کرتوتوں کی وجہ سے آئی کیونکہ دنیا کی زندگی جس ڈھب پر چل رہی تھی وہ انتہائی غلط روش ہے۔قدرت انسان کو بڑے مواقع دیتی ہے لیکن اگر انسان باز نہ آئے تو پھر قدرت کا نظام حرکت میں آتا ہے۔ چینل فائیو کی خصوصی کرونا ٹرانسمیشن میں گفتگو کرتے ہوئے انہوں نے کہا کہ انہوں نے کہا کہ ماہ رمضان میں خصوصی دعائیں کی جائیں اپنی اصلاح کر لینی چاہئے کہ پہلے ہمیں بہتر انسان بننا ہے۔ حالات بڑے نازک ہیں البتہ ایسی آزمائشوںمیں اللہ نے بہتری مضمر رکھی ہے اس وقت لوگ ایک دوسرے کی مدد کر رہے ہیں۔ دوسرا پہلو یہ ہے کہ سمجھ نہیں آتی اب بھی لوگ احتیاط کیوں نہیں کر رہے حکومتی ہدایات پر عمل نہیں ہو رہا شاید اسی کی وجہ عوام کی تربیت نہ کرنا ہے۔اس وقت لاک ڈاﺅن کولوگ اسے سنجیدہ لیں۔ کوئی ایسا شعبہ نہیں جو کرونا وائرس سے متاثر نہ ہوا ہو۔ اداکارنعیم طاہرنے کہا ہے کہ ملک بھر کے ڈاکٹرز نرسز اور پیرا میڈیکل سٹاف کرونا وائرس کے مریضوں کی خدمت کر رہے ہیں حکومتی اقدامات قابل ستائش ہیں دیگر ملکوں کی نسبت پاکستان میں کرونا کا پھیلاﺅ کم ہے۔میں سمجھتا ہوں سب مثبت سوچیں، لاک ڈاﺅن پر عمل کریں۔ ان حالات میں سب مل کراپنے غریب رشتہ داروں، پڑوسیوں اور محلے داروں کا خیال کریں۔اپنی صفائی کا خاص خیال رکھیں۔ بلاتفریق مدد کی جائے ہمیں اپنی ذمہ داری نبھانی ہے لاک ڈاﺅن کو فالو کریں آئسولیشن میں ہی سب کی بھلائی ہے پاکستانی مثالی قوم ہیں ،مجھے یقین ہے قوم با شعور ہے حکومتی احکامات پر عمل کریگی۔ ہمیں اپنے لوگوں کی خود خدمت کرنی ہے مشکل میں گبھرائیں نہیں۔ایسے لوگ جو ذخیزہ اندوزی کر رہے ہیں ان پر خدا کی لعنت ہو۔ ماہر علم نجوم سامعہ خان نے بتایا کہ حکومت کو سخت اقدامات کرنا پڑیں گے کرونا بے قابو ہوا تو سنبھالنا مشکل ہو جائے گا۔ستاروں کی چال کے مطابق مئی کے آخر تک حالات بہتر ہوں گے میں نے بہت پہلے کہا تھا عمران خان کے لئے کافی چیلنجز ہیں 2020بھی ترقی کا سا ل نہیں لگ رہا۔اگر کرفیو لگ سکتا ہے تو لگایا جائے، موجودہ وقت میں کاروبار کو ترجیح مت دیں زندگیاں بچائیں۔ احتیاط کریں بس ذرا حوصلے سے وائرس کا مقابلہ کرنے کی ضرورت ہوتی ہے،اپنی زندگیوں میں تبدیلی لانے کا یہ بہترین موقع ہے۔

لاہور(این این آئی )گراں فروشوں نے حکومت کی جانب سے ناجائز منافع خوری کے خلاف سخت ایکشن لینے کے بیانات کو بھی پس پشت ڈال کر سرکاری نرخ نامے کی بجائے من مانے نرخے پر فروخت جاری رکھی، گزشتہ روز بھی پرچون سطح پر پھلوں اور سبزیوں کی مقررہ قیمتوں سے زائد پر فروخت جاری رہی ، طلب کے مقابلے میں رسد بہتر ہونے سے برائلر گوشت کی قیمت میں کمی کا سلسلہ جاری ہے ۔ سرکاری نرخنامے کے مطابق سبزیوں میں ایک کلو آلو نیا کچا چھلکااول 55روپے کی بجائے 65سے 70روپے ،ایک کلو پیاز درجہ اول 46کی بجائے 55سے60،ٹماٹر درجہ اول28روپے کی بجائے 35، لہسن دیسی 165کی بجائے190سے 200،ادرک تھائی لینڈ255کی بجائے350سے 370روپے،ادرک چائنہ340کی بجائے410سے 420روپے،کھیرا دیسی 37کی بجائے45روپے،کھیرا فارمی 27کی بجائے32سے 35روپے،کریلے دیسی52کی بجائے65سے 70روپے،کریلے فارمی 32کی بجائے45سے 50روپے،پالک 27کی بجائے 30سے 32،میتھی 77کی بجائے80سے 85،بینگن34کی بجائے40سے 45روپے،بند گوبھی35کی بجائے45سے 50روپے،پھول گوبھی 24کی بجائے 30سے 35،سبز مرچ اول90کی بجائے160سے 170روپے،شملہ مرچ32کی بجائے50سے 55، گھیا کدو27کی بجائے36روپے،گھیا توری 52کی بجائے 70،لیموں چائنہ280کی بجائے390سے 410روپے،لیموں دیسی 340روپے کی بجائے480سے 500،بھنڈی 93کی بجائے 130سے 140،شلجم 13کی بجائے 30،مٹر 115کی بجائے140روپے،اروی 89کی بجائے110سے 120روپے اوگاجر چائنہ32کی بجائے48سے 52روپے کلو تک فروخت کی گئی ۔ پھلوں میں سیب کالا کولو پہاڑی درجہ اول230کی بجائے280سے 290روپے، سیب کالا کولو پہاڑی درجہ دوئم 190کی بجائے220سے 240روپے، سیب ایرانی175کی بجائے210سے230روپے،سیب سفید اول125کی بجائے160سے 170روپے،کیلا اول درجن 170کی بجائے200سے220روپے،کیلا دوئم درجن95کی بجائے140سے 150روپے، سٹابری اول105کی بجائے140روپے، کھجور اصیل اول235کی بجائے340سے 350روپے،کینو فی درجن اول130کی بجائے260سے 280روپے،امردو درجہ اول87کی بجائے 130سے 140روپے،تربوزفی کلو 44کی بجائے57روپے تک فروخت ہوتا رہا۔لاہور( این این آئی)شہر میں پرچون سطح پر برائلر گوشت کی قیمت 10روپے کمی سے194روپے، زندہ برائلر مرغی 7روپے کمی سے134روپے فی کلو جبکہ فارمی انڈوں کی قیمت8روپے کمی سے86روپے فی درجن رہی۔