(ویب ڈیسک)پی آئی اے نے فضائی میزبانوں کے لیے پرواز سے قبل الکوحل ڈوپ ٹیسٹ لازمی قرار دے دیا ہے ۔پاکستان انٹرنیشنل ائیرلائن کی جانب سے جاری کردہ نوٹیفیکیشن کے مطابق ملکی و غیرملکی فلائٹ سے قبل عملے کو سانس کا معائنہ کروانا ضروری ہوگا۔نوٹیفیکیشن کے مطابق کیبن کریو کیلئے سانس کا معائنہ لازم قرار دیا گیا ہے۔نوٹیفیکیشن کے مطابق اندرون و بیرون ملک تمام پروازوں پر تعینات کیبن کریو کو جہاز میں سوار ہونے سے قبل سانس کا معائنہ کروانا ہوگا۔زرائع کے مطابق ٹیسٹ کا مقصد کریومیں الکوحل اور نشہ آور اشیاء کے استعمال کی روک تھام ہے، کیبن کریو کے سانس کا معائنہ بریفنگ رومز میں ائیرلائن کے فلائٹ سرجنز اور میڈیکل آفیسر خود کریں گے۔پی آئی اے میڈیکل ڈویژن کی کیبن کریو کیلئے جاری نئی ایڈوائزری فوری طور پر نافذالعمل ہو گی۔واضح رہے اس قبل سول ایویشن اتھارٹی پائلٹس اور کاک پٹ عملے کے ٹیسٹ کررہی ہے ، اب پی ائی اے نے تمام پروازوں سے پہلے اپنے فضائی میزبانوں کے ٹیسٹ لازمی کرے گی۔پی ائی اے انتظامیہ کے مطابق عالمی فلائٹ سیفٹی قواعد و ضوابط اور انٹرنیشنل سول ایویشن رولز کے تناظر میں پی ائی اے کی جانب سے یہ اقدام سامنے آیا ہے۔
