سابق وزیراعظم نواز شریف نے برطانیہ میں پاکستانی ہائی کمیشن سے وارنٹ گرفتاری وصول کرنے سے انکار کر دیا ہے۔
اس ضمن میں ذرائع کا کہنا ہے کہ اسلام آباد ہائیکورٹ نے گزشتہ سماعت پر نواز شریف کے ناقابل ضمانت وارنٹ گرفتاری جاری کیے تھے جو کہ سابق وزیراعظم کی جانب سے وصول کرنے سے انکار کر دیا گیا ہے۔
ذرائع کا کہنا ہے کہ پاکستانی ہائی کمیشن نے ای میل کے ذریعے وارنٹ گرفتاری کے نوٹس کی کاپیاں نواز شریف کو بھجوا دی گئیں ہیں۔
یاد رہے کہ کل اسلام آباد ہائیکورٹ کا دو رکنی بینچ نواز شریف کی درخواستوں کے حوالے سے سماعت کرے گا جس میں وفاقی حکومت کی جانب سے ایڈیشنل اٹارنی جنرل طارق کھوکھر پاکستانی ہائی کمیشن کی دستاویزات عدالت میں پیش کریں گے۔
