ترکی کے دارلحکومت استنبول میں لکڑی سے بنی 17ویں صدی کی تاریخی مسجد میں آگ گئی۔
آگ لگنے کے باعث مسجد کو شدید نقصان پہنچا ہے تاہم فائرفائٹرز نے آگ پر قابو پالیا ہے جبکہ آگ لگنے کی وجہ تاحال معلوم نہ ہوسکی ہے۔
ترک میڈیا کے مطابق ترکی کے شہر استنبول میں لکڑی سے بنی وانیکوئے مسجد کی تعمیر 17ویں صدی عیسوی میں عثمانیہ دور کے سلطان چہارم محمد کی حکمرانی میں تعمیر ہوئی تھی اور یہ تاریخی مسجد استنبول میں آبنائے باسفورس پر واقع ہے۔
استنبول کے فائر ڈپارٹمنٹ نے ٹوئٹ میں کہا ہے کہ مسجد کی آگ پر قابو پالیا گیا ہے اور حالات کو معمول پر لانے کی کوششیں کی جارہی ہیں۔ مسجد کے ساتھ ہی جنگل ہے اور ساتھ ہی باسفورس کے رہائشی مکانات بھی ہیں۔
مسجد میں آگ لگنے کی وجہ تاحال معلوم نہ ہوسکی اور شہر کے گورنر کا کہنا تھا کہ اس معاملے پر تفتیش شروع کردی گئی ہے۔
