لاہور (ویب ڈیسک) پنجاب بھر میں بتالیس جیلیں انتظامیہ کی بے قاعدگیوں اور بدعنوانیوں کے باعث ایڈیز جیسی موذی بیماری کا گڑھ بن گئی ہیں۔ تین سو آٹھ ایڈز کے مریضوں سمیت ہیپاٹائٹس اور دیگر بیماریوں نے بھی جیلوں کا رخ کرلیا۔ بتایا گیا ہے کہ جیل حکام کی ملی بھگت سے ایک ایک بیرک میں بدنام زمانہ مجرمان کے ساتھ ایسے مجرمان کو بھی بند کردیا جاتا ہے جو پہلی بار کسی جرم میں جیل آتے ہیں۔ ان نومولود مجرمان کو عادی مجرم اپنے دیگر مکروہ دھندے کے ساتھ ساتھ ان نومولود مجرمان کو زبردستی غلط کاری کا نشانہ بناتے ہیں۔ محکمہ داخلہ کی رپورٹ کے مطابق جن مجرمان کے ایڈیز ٹیسٹ مثبت آئے اور ان کا علاج معالہ کرنے کا دعویٰ کیا گیا ہے ان میں لاہور جیل ٹاپ پر ہے۔ جس میں سب سے زیادہ پچاس ایڈز کے مریض ہیں جبکہ دوسرے نمبر پرڈسٹرکٹ جیل گوجرانوالہ میں 39 اور تیسرے نمبر پر راولپنڈی میں 24 مریض ہیں محکمہ داخلہ کی رپورٹ میں بتایا گیا ہے کہ ڈسٹرکٹ ہیڈکوارٹر ہسپتال ڈیرہ غازی خان میں پنجاب ایڈز کنٹرول پروگرام سینٹر بھی قائم کیا گیا ہے۔ جہاں روزانہ کی بنیاد پر ٹیسٹ کیے جارہے ہیں۔ جب ک۔ بہاولپور جیل میں وکٹوریہ ہسپتال کے تعاون سے سکریننگ کی جارہی ہے اور ہر آنے والے اسیرکا ٹیسٹ کیا جاتا ہے۔ سنٹرل جیل لاہور 08 سینٹرل جیل گوجرانوالہ 39 ڈسٹرکٹ جیل قصور 07 ڈسٹرکٹ جیل لاہور 50 ڈسٹرکٹ جیل نارووال 02 سینٹرل جیل ساہیوال 02 ڈسٹرکٹ جیل اوکاڑہ 02 ڈسٹرکٹ جیل خانیوال 11 ڈسٹرکٹ جیل اٹک 04 ڈسٹرکٹ جیل گجرات 16 ڈسٹرکٹ جیل جہلم 07 ڈسٹرکٹ جیل منڈی بہاﺅالدین 03 ہیں۔
