پہلے ٹیسٹ میچ کے لیے کپتان قومی ٹیسٹ کرکٹ ٹیم محمد رضوان کا کہنا تھا کہ آج ٹیم نے چار گھنٹے سے زائد پریکٹس کی ہے۔
محمد رضوان نے کہا کہ پاکستان شاہینز کی فتح سے کھلاڑیوں کے حوصلے بلند ہیں۔ ہمارے بالرز اور بیٹسمین دونوں ہی اچھے ردھم میں لگ رہے ہیں۔
انہوں نے کہا کہ ٹی ٹوئنٹی کی نسبت ہمارا ٹیسٹ اسکواڈ تجربہ کار ہے۔ شان مسعود، اظہر علی، فواد عالم اور حارث سہیل جیسے بیٹسمین جبکہ محمد عباس، یاسر شاہ اور شاہین شاہ آفریدی جیسے بالرز موجود ہ
محمد رضوان کا کہنا تھا کہ بابراعظم کی کمی ضرور محسوس ہوگی، لیکن انجری کے باوجود بابراعظم جس طرح ٹریننگ سیشنز میں موجود رہتے ہیں وہ قابل ستائش ہے۔ بابر اعظم باہر بیٹھ کر بھی ہر بیٹسمین کو اپنا تجربہ شیئر کررہے ہیں۔
انہوں نے کہا کہ نیوزی لینڈ کے ساتھ اچھا مقابلہ دیکھنے کا موقع ملے گا۔ ہم محنت پوری کریں گے، نتائج اللہ کے ہاتھ میں ہیں۔
