وزیراعلیٰ پنجاب سردار عثمان بزدار نے ہرنائی میں سکیورٹی فورسز پر حملے کی شدید مذمت کرتے ہوئے کہا کہ شہید جوان ہمارے ہیرو ہیں۔
حملے میں سکیورٹی فورسز کے اہلکاروں کی شہادت پر اظہار افسوس کرتے ہوئے وزیراعلیٰ عثمان بزدار نے شہداء کے لواحقین سے دلی ہمدردی و اظہار تعزیت کی۔
عثمان بزدار کا کہنا تھا کہ شہداء نے اپنی قیمتی جانوں کے نذرانے دے کر وطن میں امن قائم کیا ہے، ہماری تمام ہمدردیاں شہداء کے لواحقین کے ساتھ ہیں، مٹھی بھر عناصر دہشت گردی کے ذریعے قوم کے بلند حوصلے پست نہیں کرسکتے۔
انہوں نے کہا کہ پاکستانی قوم دہشت گردوں اور ان کے سہولت کاروں کے خلاف یکجان اور یک زبان ہے۔
