پاکستان ڈیمو کریٹک موومنٹ (پی ڈی ایم) کے سربراہ مولانا فضل الرحمان کا کہنا ہے کہ وہ نیب کے سامنے کسی قیمت پر سرنڈر نہیں کریں گے۔ ان کے آباو اجداد نے بھی کبھی کسی کے آگے سر نہیں جھکایا ہے۔
بنوں میں پی ڈی ایم کے جلسے سے خطاب اپوزیشن اتحاد کے سربراہ نے کہا کہ بلوچستان میں ہزارہ برادری کا قتل عام بدامنی کا سب سے بڑا ثبوت ہے۔
مولانافضل الرحمٰن نے کہا کہ پی ڈی ایم نے قوم کو آزادی اور جمہوریت کا راستہ دکھایا ہے، بنوں کے لوگوں نے آج حکومت کیخلاف بغاوت کا اعلان کردیا ہے۔
فضل الرحمٰن نے کہا کہ ہماری جدوجہد ملک میں جمہوریت، قانون کی عمل داری کے لئے ہے۔
