انڈونیشیا ءمیں ”سری ویجایا ایئر لائن “ کا مسافرطیارہ لاپتہ ہو گیاہے ،طیارے کا رابطہ دو بج کر 39 منٹ پر منقطع ہوا ۔
خبر رساں ایجنسی کے مطابق سری ویجایا ایئر لائن کے مسافر طیارے بوئنگ 737” ایس جے 182 “ نے انڈونیشیاءکے دارلحکومت حکومت جکارتہ سے 1 بج کر 40 منٹ پر پونتیانک جانے کیلئے پرواز بھری تھی ، اُڑان بھرنے کے ایک گھنٹے بعد طیارے کا رابطہ منقطع ہوا اور وہ ریڈار سے غائب ہو گیا ،طیارہ 10 ہزار فٹ بلندی پر تھا ۔
غیر ملکی میڈیا کے مطابق طیارے کے سمندر میں گر کر تباہ ہونے کا خدشہ پیدا ہو گیاہے ۔
بتایا گیاہے کہ سری ویجایا کا طیارہ 26 سال پرانا تھا اور اس نے اپنی پہلی پرواز 1994 میں کی تھی ، طیارے کا رجسٹریشن نمبر ہے ۔انڈونیشیاءکی وزارت برائے ٹرانسپورٹیشن کی ترجمان ادیتا اراوتی نے طیارے کے لاپتہ ہونے کی تصدیق کر دی ہے ،ان کا کہناہے کہ طیارے سے متعلق مزید معلومات اکھٹی کی جارہی ہیں۔
