آرمی چیف جنرل قمر جاوید باجوہ کا کہنا ہے کہ پاکستان اور افغانستان میں امن خطے کے عظیم مفاد میں ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ سے روسی صدر کے نمائندہ برائے افغانستان نے ملاقات کی ہے۔
ملاقات میں علاقائی سیکیورٹی صورتحال ، خصوصاً افغان امن عمل سے متعلق امور پر بات چیت کی گئی۔
اس موقع پر آرمی چیف نے کہا کہ پاکستان اور افغانستان، دونوں ممالک میں امن خطے کے عظیم مفاد میں ہے۔
روسی صدر کے نمائندے نے افغان امن عمل میں پاکستان کے مثبت کردار کو سراہا۔
