چیئرمین نیب جاوید اقبال نے کہا کہ نیب سیاستدانوں کی عزت کرتاہےاورکرتارہےگا۔
تفصیلات کے مطابق چیئرمین نیب جاوید اقبال نے پریس کانفرنس کرتے ہوئے کہا کہ نیب قانون کےمطابق پلی بارگین کرتاہے۔
انہوں نے کہا کہ پلی بارگین کی حتمی منظوری عدالت دیتی ہے ، نیب کاادارہ کرپشن کےخاتمےکیلئےبنایاگیا ، دھمکیاں دیں یاکردارکشی کریں نیب اپناکام جاری رکھےگا ، نیب نےزیادتی کی ہےتوآزادعدلیہ سےرجوع کیاجاسکتاہے ، نیب کسی کےخلاف بےبنیادکیس کیوں بنائےگا؟
چیئرمین نیب نے کہا کہ نیب کی کسی سے ذاتی دشمنی نہیں ، تنقید ضرور کریں لیکن حقائق اور قانون دیکھ کرکریں ، کوروناپھیلانےکےعلاوہ نیب پرتمام الزامات لگائےجاچکےہیں ، تعمیری تنقیدکریں گےتونیب کوبھی فائدہ ہوگا ، عوام کےمفادمیں نیب قانون میں ترمیم کرناچاہتےہیں توکریں۔
جاوید اقبال نے کہا کہ پارلیمنٹ جوبھی قانون بنائےگاہم اس پرعملدرآمدکریں گے ، نیب ارکان اسمبلی اورسیاستدانوں کی عزت کرتارہےگا ، پاکستان بنانےوالےبھی سیاستدان،بچانےوالےبھی سیاستدان ہونگے ، فیصلےکااختیارنیب کوملےتوڈھائی ماہ میں کیس نمٹادوں گا ، ریفرنسزکےفیصلوں کااختیارنیب نہیں عدالت کےپاس ہے۔
انہوں نے کہا کہ نیب لاہور10ارب کی رقم متاثرین میں تقسیم کرچکا ہے ، متاثرین50سال بھی گھومتےرہتےشاید10فیصدحصہ بھی نہ ملتا ، پلی بارگین کاتصوردنیاکےمختلف ممالک میں موجود ہے ، نیب شواہدسامنےرکھ کردیکھتاہےکتنی پلی بارگین کرنی ہے ، کسی سےزبردستی پلی بارگین نہیں کرائی گئی ، 90 فیصدکیسزمیں مجھےپتہ بھی نہیں ہوتاکیس کس کےخلاف ہے۔
چیئرمین نیب جاوید اقبال نے کہا کہ نیب آئین اورقانون کےبرعکس کوئی قدم نہیں اٹھائےگا ، ایک وقت آئےگاناقدین بھی نیب کےکام کی تعریف کریں گے ، ایک شخص نےبیان دیانیب پراربوں روپےلگ رہےہیں ، نیب حکومت کواربوں روپےدےرہاہے۔
