افغانستان کے کابل ائیرپورٹ کے باہر بم دھماکہ ہوگیا جس کے نتیجے میں 13 افراد ہلاک جبکہ معتدد زخمی ہوگئے ہیں۔
تفصیلات کے مطابق امریکی وزارت دفاع نے دھماکے کی تصدیق کر دی ہے۔
افغان میڈیا کے مطابق کابل ایئر پورٹ کے مشرقی گیٹ پر دھماکہ کے بعد فائرنگ کی آوازیں سنی جا رہی ہیں۔
افغان میڈیا کا کہنا ہے کہ امریکہ نے ایک دن پہلے ائیرپورٹ پر بڑے حملے کی اطلاع دی تھی، خطرے کے پیشِ نظر امریکیوں کو فوراً کابل ائیرپورٹ سے دور ہونے کی بھی ہدایت کی تھی۔
افغان میڈیا کے مطابق کابل ائیرپورٹ پر پروازوں کی آمدورفت معطل اور جہازوں کو گراؤنڈ کردیا گیا ہے۔
ترک میڈیا کا کہنا ہے کہ کابل ایئرپورٹ پر دو دھماکے ہوئے ہیں، دھماکے میں 13 ہلاکتوں کی تصدیق کی گئی ہے۔
افغان میڈیا کے مطابق دھماکے میں 15 افراد زخمی ہوئے ہیں، زخمیوں میں 3 امریکی فوجی بھی شامل ہیں۔
زخمیوں کو ہسپتال منتقل کیا گیا ہے۔
