ممبئی: بالی ووڈ کے دبنگ اداکار سلمان خان کو سانپ نے کاٹ لیا۔
بھارتی میڈیا کے مطابق سلمان خان کو ان کے پنویل کے فارم ہاؤس میں اتوار کی صبح کے اوقات میں سانپ نے کاٹ لیا۔ جس کے بعد انہیں فوراً نوی ممبئی کے ایک نجی اسپتال منتقل کیا گیا۔
خوش قسمتی سے سلو میاں کو کاٹنے والا سانپ زہریلا نہیں تھا۔ علاج کے بعد سلمان خان کو اسپتال سے ڈسچارج کردیا گیا اور اس وقت بالی ووڈ اسٹار گھر میں آرام کررہے ہیں۔
بھارتی میڈیا کی رپورٹس کے مطابق جس وقت حادثہ پیش آیا اس وقت سلمان اپنے دوستوں کے ساتھ بیٹھ کر گپ شپ لگارہے تھے کہ اچانک سلمان نے اپنے بازو میں ڈنک محسوس کیا اور ہاتھ کو جھٹک دیا اسی وقت ان کے ایک دوست نے سانپ دیکھا جس کے بعد وہ لوگ گھبراگئے اور مدد کے لیے پکارنے لگے۔
