پاکستان پیپلز پارٹی (پی پی پی) کت چیئرمین بلاول بھٹو زرداری کا کہنا ہے کہ پاکستان ایسا ملک ہے جہاں شہیدوں کو بھی احتجاج کرنا پڑتا ہے اور 2 ہزار لوگ شہید ہو چکے ہیں لیکن ایک شہید کو بھی انصاف نہیں ملا۔

کوئٹہ میں ہزارہ برادری کے دھرنے کے شرکا سے خطاب کرتے ہوئے بلاول بھٹو زرداری نے کہا کہ ‘بہت دکھ اور افسوس کے ساتھ ایک بار پھر ہزارہ ٹاؤن میں آپ کے درمیان ہوں، ہزارہ بھائی بہنوں سے کیا کہہ سکتا ہوں، کیا بتا سکتا ہوں’۔

انہوں نے کہا کہ ‘پاکستان ایسا ملک ہے، ایسی دھرتی ہے جہاں شہیدوں کو بھی احتجاج کرنا پڑتا ہے، ایسے پاکستان میں رہ رہے ہیں جہاں ہر چیز مہنگی ہوگئی ہے لیکن عوام کا خون سستا ہے، 2 ہزار لوگ شہید ہو چکے ہیں لیکن ایک شہید کو بھی انصاف نہیں ملا’۔

ان کا کہنا تھا کہ ‘ہماری حکومت چلی گئی، دوسری حکومت آگئی اور آپ پھر سے شہیدوں کے ساتھ احتجاج کر رہے ہیں، خان صاحب کی حکومت ہے اور پھر سے شہیدوں کے ساتھ احتجاج کر رہے ہیں، آئی ڈی کارڈ دیکھ دیکھ کر قتل عام ہوتا ہے’۔

سابق وزیر اعظم یوسف رضا گیلانی نے خطاب کرتے ہوئے کہا کہ ‘ہماری خواہش تھی کہ ہم فوری طور پر آپ کے غم میں شریک ہوں، ہم عدالت میں پیشی کے فوری بعد دھرنے میں پہنچ گئے ہیں’۔

انہوں نے کہا کہ ‘آئے دن ایسے واقعات ہوتے رہتے ہیں لیکن ملزمان پکڑے نہیں جاتے، اپنی جماعت، عوام اور اپنی طرف سے دکھ کا اظہار کرتا ہوں جبکہ دعا گو ہوں کہ اللہ شہدا کے درجات بلند کرے اور انہیں جنت الفردوس میں جگہ دے’۔

ذرائع کے مطابق تابش گوہر آئی پی پیز کے ساتھ مذاکرات میں سخت موقف اپنائے ہوئے تھے اور آئی پی پیز کو اضافی ادائیگیوں کے پیسے واپس کروانا چاہتے تھے۔

 ذرائع کا کہنا ہےکہ تابش گوہر توانائی کے شعبے میں اہم کردار نہ ملنے پر بھی دلبرداشتہ تھے اور انہوں نے اپنا استعفیٰ واٹس  ایپ کے ذریعے بھیجا۔

پی ڈی ایم جلسے میں بھارت کی زبان بولی گئی ،افغان طالبان کے جھنڈے لہرا دئیے گئے ۔امیر حیدر ہوتی کی تقریر کے دوران ’’لراوبریوافغان ‘‘کے نعرے ،مطلب’’اوپر کابل نیچے پشاور ایک افغان ‘‘ہے ، جلسے میں ریاستی اداروں کیخلاف بھی نعرے لگائے گئے ۔اس موقع پر مولانا فضل الرحمن سمیت کسی رہنما نے بھی نعروں کو روکنے کی کوشش نہیں کی۔قائد جمعیت علمائے اسلام مولانافصل الرحمن نے بنوں سپورٹس کمپلیکس میں پاکستان ڈیموکریٹک موومنٹ کے جلسہ عام سے خطاب کرتے ہوئے کہا کہ حکومت کوسمندرمیں غرق کردیں گے ، پی ڈی ایم نے آزادی، جمہوریت کا راستہ دکھایا ہے آج یہ اجتماع حکومت کیخلاف بغاوت ہے عمران خان کہتے ہیں کہ پی ڈی ایم کیخلاف غداری کے مقدمے چلائیں گے ہم غدار اس کو کہتے ہیں جو عمران کے وفادار ہیں اور جو عمران کے غدار ہیں ملک کے وفادار ہیں،مجھے کہتے ہیں کہ نیب کے سامنے سرنڈر کرنا ہوگا ۔بلوچستان کے مچھ علاقے میں ہزارہ برادری کا قتل عام بد امنی کا سب سے بڑ ا ثبوت ہے اسکی شدید مذمت کرتا ہوں۔ نواز شریف 70 ارب روپے کی سرمایہ کاری لائے ، سی پیک لایا لیکن عمران کو اسلئے لایا گیا کہ پاکستان کی ترقی روکی جاسکے ، اب اداروں کو مداخلت بند کرنا ہو گی ،ہم 19 جنوری کو الیکشن کمیشن آ ف پاکستان کے سامنے مظاہرہ کریں گے اور 21 جنوری کو کراچی میں اسرائیل کو ماننے کیخلاف ملین مارچ کریں گے ۔ جلسہ سے خطاب کرتے ہوئے مسلم لیگ ن کے جنرل سیکرٹری احسن اقبال نے کہا کہ ضمنی الیکشن میں حصہ لینے کا مطلب تحریک سے پیچھے ہٹنا نہیں ، جب تمہاری چوری کا پول کھلے گا تو کسی کو منہ دکھانے کے قابل نہیں رہو گے ۔ پشتونخوا ملی عوامی پارٹی کے سربراہ محمود خان اچکزئی نے کہا کہ پشتونوں کا جس انداز میں خون بہایا گیا یہ خارجی و داخلہ پالیسیوں کی ناکامی ہے ۔سابق وزیر اعلیٰ امیر حیدر خان ہوتی نے کہا کہ عمران کو مسلط کیا گیا ہے ، اٹھارہویں ترمیم کوچھیڑا گیا تو سنگین نتائج بر آمد ہونگے ۔ سردار حسین بابک نے کہا کہ پی ڈی ایم عوام کی حکمرانی یقینی بنا ئے گی ۔ جے یو آئی کے مرکزی جنرل سیکرٹری غفور حیدری نے کہا کہ نام ریاست مدینہ کا لیکن عوام کو بھوکے مرنے پر مجبور کر دیا گیا ۔قومی وطن پارٹی کے صوبائی صدر سکندر خان شیرپائو نے کہا کہ سیلیکٹڈ حکمرانوں اور نا اہل حکمرانوں سے عوام مزید تنگ ہیں، اکرم خان درانی نے کہا کہ بنوں کے غیرت مند عوام نے موجودہ سلیکٹیڈ حکومت اور جعلی وزیر اعظم کو مسترد کردیا ہے ۔ امیر مقام نے کہا کہ مر یم نواز شریف بیمار تھیں جسکی وجہ سے وہ یہاں پی ڈی ایم جلسے میں نہ آسکیں ان کی طرف سے سلام پیش کرتا ہوں، چینی اور آٹا چوروں کو نہیں چھوڑیں گے انشاء اللہ اس کا حساب لینگے

 بلوچستان کے دارالحکومت کوئٹہ میں ہزارہ برادری کا دھرنا جاری ہے، وزیراعلیٰ بلوچستان جام کمال خان اور وفاقی وزیر علی زیدی اور وزیراعظم عمران خان کے معاون خصوصی زلفی بخاری بھی شرکاء کو منا نہ سکے۔

یاد رہے کہ بلوچستان کے مچھ میں مسلح افراد نے دس کان کنوں کو قتل کر دیا تھا جس کے بعد ان کے لواحقین اور ہزارہ برادری کے دیگر افراد نے کوئٹہ میں میتوں کے ہمراہ دھرنا دے رکھا ہے۔

حکومت کی جانب سے یہ دھرنا ختم کروانے کے لیے کوششیں جاری ہیں تاہم دھرنے کے شرکا وزیر اعظم سے ملاقات کے بغیر احتجاج ختم کرنے پر آمادہ دکھائی نہیں دیتے۔

کوئٹہ میں وفاقی وزرا علی زیدی اور زلفی بخاری کے ہمراہ نیوز کانفرنس سے خطاب کرنے ہوئے بلوچستان کے وزیر اعلی جام کمال نے بھی ہزارہ دھرنے کے شرکا سے درخواست کی تھی کہ وہ وزیراعظم عمران خان سے ملاقات کو مرنے والوں کی تدفین سے مشروط نہ کریں۔

دھرنے کے منتظمین میں شامل آغا رضا کا کہنا تھا کہ یہ دھرنا کسی شخص نے اپنی مرضی سے نہیں دیا۔ ہم لوگوں کی آواز ہیں۔ یہ دھرنا لواحقین کے کہنے پر دیا گیا ہے۔ لواحقین اپنی مرضی سے یہ جنازے یہاں لے کر بیٹھے ہیں۔ دیگر مطالبات تو تسلیم ہو گئے لیکن ان کا مطالبہ ہے کہ وزیر اعظم آ کر اعلان کریں گے تو ہی یہ یہاں سے اٹھیں گے۔

مظاہرین سے مذاکرات کرنے کے لیے جانے والے وفاقی علی حیدر زیدی نے کہا کہ ایسے حملوں پاکستان کے دشمن کرواتے ہیں ، ہم جب حکومت میں نہیں تھے تو سنتےتھے بیرونی ہاتھ ہیں، کلبھوشن جیسے لوگ یہیں سے پکڑے گئے تھے۔

دوسری طرف وزیراعلیٰ بلوچستان اور وفاقی وزراء کی دھرنے کے شرکاس کو منانے کی کوششیں ناکام ہو گئی ہیں، دھرنے کے شرکاء نے شرط رکھتے ہوئے کہا ہے کہ سب سے پہلے وزیراعظم عمران خان کوئٹہ آیئں، جس کے بعد باقی باتیں ہوں گی اور عمران خان کے آنے تک میتیوں کی تدفین نہیں کریں گے۔

اس سے قبل وزیراعظم عمران خان نے مچھ میں ہونے والے دہشت گرد حملے میں اپنے پیاروں کو کھونے والے ہزارہ خاندانوں سے کہا ہے کہ وہ جلد ان کے پاس آئیں گے تاہم ان سے اپیل ہے کہ وہ میتوں کی تدفین کردیں۔

ٹوئٹر پر اپنے پیغام میں وزیراعظم نے لکھا کہ میں مچھ میں سفاکانہ دہشت گردی کے حملے میں اپنے پیاروں کو کھو دینے والے ہزارہ خاندانوں کو دوبارہ یقین دلاتا ہوں کہ میں آپ کے دکھ اور مطالبات سے آگاہ ہوں۔

انہوں نے لکھا کہ ہم مستقبل میں اس طرح کے حملوں کو روکنے کے لیے اقدامات اٹھا رہے ہیں اور جانتے ہیں کہ ہمارا پڑوسی اس فرقہ ورانہ دہشت گردی کو ہوا دے رہا ہے۔

وزیراعظم نے لکھا کہ میں آپ کا درد بانٹتا ہوں اور غم کے ان لمحات میں اظہار یکجہتی کے لیے پہلے بھی آپ کے پاس آچکا ہوں۔ میں ہر خاندان سے ذاتی طور پر تعزیت اور دعا کے لیے بہت جلد دوبارہ آؤں گا، میں اپنے لوگوں کے اعتماد کو ٹھیس نہیں پہنچاؤں گا، ازراہ کرم اپنے پیاروں کی تدفین کردیں تاکہ ان کی روح کو سکون مل سکے۔