ہوبارٹ: (ویب ڈیسک) آسٹریلیا نے پانچویں ٹیسٹ میچ کےدوسرے روز کھیل کے اختتام تک تین وکٹوں کے نقصان پر 37 رنز بنالیے ہیں ،آسٹریلیا کو انگلینڈ پر 152 رنز کی برتری حاصل ہوگئی ہے۔
جب دوسرے دن کا کھیل ختم ہوا توسٹیون سمتھ 17 اور سکاٹ بولاند تین رنز بناکر کریز پر موجود تھے۔ڈیوڈ وارنر صفر، مارنس لبھوشین پانچ جبکہ عثمان خواجہ 11 رنز بناکر آؤٹ ہوئے۔ انگلینڈ کی جانب سے کرس ووکس، سٹورٹ براڈ اور مارک ووڈ نے ایک ایک وکٹ حاصل کی۔ انگلینڈ کی پوری ٹیم پہلی اننگز میں 188 رنز بناکر آؤٹ ہوگئی تھی۔
