لاہور: (ویب ڈیسک) وزیراعلیٰ عثمان بزدار نے کہا ہے کہ سازشی عناصر پہلے کی طرح روتے رہیں گے، حکومت مدت پوری کرے گی۔
وزیراعلیٰ پنجاب عثمان بزدار نے اپنے بیان میں کہا ہے کہ افسوس کا مقام ہے اپوزیشن عناصر ملکی مفادات کو بالائے طاق رکھ چکے ہیں، اپوزیشن کا ایجنڈا پاکستان کے مفادات سے متصادم ہے، اپوزیشن انتشار پھیلا کر اپنے منفی عزائم کی تکمیل چاہتی ہے، اپوزیشن نے ہر موقع پر منفی سیاست کی اور یہ عوام میں بے نقاب ہو چکے ہیں۔
عثمان بزدار کا کہنا تھا کہ وزیراعظم عمران خان کی قیادت میں تحریک انصاف کی حکومت کو 5 برس کا مینڈیٹ ملا ہے، پاکستانی عوام عاقبت نااندیش عناصر کے جھانسے میں نہیں آئیں گے، مسرد شدہ عناصر کے عزائم پہلے کی طرح ناکام رہیں گے۔
