کراچی: (ویب ڈیسک) ملک بھر میں فی تولہ سونے کی قیمت میں کمی کے بعد معمولی اضافہ ریکارڈ کیا گیا ہے۔
تفصیلات کے مطابق بین الاقوامی مارکیٹ میں فی اونس سونے کی قیمت میں 6 ڈالر کی کمی ریکارڈ کی گئی۔
عالمی مارکیٹ میں قیمتیں کم ہونے کے بعد بھی ملکی صرافہ مارکیٹوں لاہور، کراچی، اسلام آباد، پشاور، کوئٹہ، حیدر آباد، سکھر، گوجرانوالا، راولپنڈی سمیت دیگر جگہوں پر فی تولہ سونے کی قیمت میں 50 روپے کا اضافہ ریکارڈ کیا گیا جس کے بعد نئی قیمت 125000روپے ہو گئی ہے۔
دوسری طرف سونے کی فی دس گرام قیمت میں 43 روپے کا اضافہ ریکارڈ کیا گیا اور نئی قیمت 107167 روپے ہو گئی ہے۔
دوسری طرف چاندی کی فی تولہ قیمت میں استحکام ریکارڈ کیا گیا اور قیمت 1450 روپے برقرار رہی۔
