لاہور: (ویب ڈیسک) مینار پاکستان پر لڑکی عائشہ کو ہراساں کرنے کے کیس میں عدالت نے ملزم ریمبو کی ضمانت منظور کرلی۔
گریٹر اقبال پارک میں خاتون ٹک ٹاکر سے دست درازی اور بلیک میلنگ کے کیس میں لاہور ہائیکورٹ کے جسٹس شہرام سرور چودھری نے عامر سہیل عرف ریمبو سمیت 4ملزمان کی ضمانت کی درخواست پر سماعت کی۔ ملزمان کے وکیل نے مؤقف اختیار کیا کہ گریٹر اقبال پارک مقدمہ کے شریک ملزموں کی ضمانتیں ہو گئی ہیں۔ پولیس نے دوران حراست ریمبو سمیت چاروں ملزمان سے کوئی چیز برآمد نہیں کی جبکہ ٹک ٹاکر عائشہ نے مقدمہ سے پہلے اور مقدمہ درج ہونے کے بعد متضاد بیانات دئیے۔
وکیل نے نکتہ اٹھایا کہ ریمبو سمیت چارملزمان پر بلیک میلنگ کا جھوٹا اور بے بنیاد الزام لگایا گیا لہذا ملزمان کی ضمانت کی درخواستیں منظور کی جائیں۔
