انقرہ: (ویب ڈیسک) ترکی کے صدر رجب طیب اردوان نے روسی حملے کی مذمت کرتے ہوئے کہا ہے کہ یوکرین پر حملہ نا قابل قبول ہے۔
غیر ملکی میڈیا رپورٹس کے مطابق ترکی نے روس کی یوکرین پر حملے کی شدید الفاظ میں مذمت کی ہے۔
اس حوالے سے ترک صدر کا کہنا تھا کہ یوکرین اور روس کے درمیان کشیدگی مذاکرات کے ذریعہ حل ہونی چاہیے۔
ادھر یوکرین کے دارالحکومت کیف میں متعدد دھماکوں کی آوازیں سنی گئیں اور یوکرینی وزارت داخلہ کی جانب سے دعویٰ کیا گیا کہ روس کے 3 ہیلی کاپٹر مار گرائے ہیں۔
