وزیراعظم عمران خان آج ایک روزہ دورے پر لاہور آئیں گے

اسلام آباد: (ویب ڈیسک) وزیراعظم عمران خان آج ایک روزہ دورے پر لاہور آئیں گے ۔ وزیراعلیٰ پنجاب اور گورنر سے ملاقاتیں ہوں گی۔ انڈستریل پیکج کا اعلان کریں گے۔ راولپنڈی ، ملتان ساہیوال اور بہاولپور ڈویژن کے ارکان پارلیمنٹ سے خطاب کریں گے
وزیراعظم عمران خان دورہ لاہور کے دوران گورنر ہاؤس میں مختلف اجلاسوں کی صدارت کریں گے۔ وزیراعظم سے وزیراعلی پنجاب ملاقات کریں گے۔ عثمان بزدار صوبے کے اہم امور پر اعتماد میں لیں گے۔ وزیراعظم سے گورنر پنجاب چودھری سرور بھی ملاقات کریں گے۔ ملاقات میں سیاسی اور حکومتی امور سمیت دیگر ایشوز پر مشاورت ہوگی۔ گورنر پبجاب، وزیراعظم عمران خان کو یورپی یونین کے نمائندوں سے ملاقات بارے بھی بر یفنگ دیں گے۔
چودھری سرور یونیورسٹیز میں ریفارمز کے لیے اقدامات بارے بھی آگاہ کرینگے۔ وزیراعظم کو گورنر پنجاب آب پاک اتھارٹی کے منصوبوں کی تفصیلات سے بھی آگاہ کرینگے۔ وزیراعظم راولپنڈی ساہیوال، ملتان اور بہاولپور ڈویژن کے ارکان پارلیمنٹ سے ملا قات اور خطاب کریں گے۔