اسلام آباد: (ویب ڈیسک) کورونا کی پانچویں لہر کے وار کم ہونے لگے۔ ملک میں چوبیس گھنٹے کے دوران مثبت کیسز کی شرح دو اعشاریہ پانچ نو فیصد ریکارڈ کی گئی۔ کورونا وائرس سے 11 افراد جاں بحق ہوگئے، جس کے بعد اموات کی تعداد 30 ہزار 248 ہوگئی۔ پاکستان میں کورونا کے تصدیق شدہ کیسز کی تعداد 15 لاکھ 12 ہزار 707 ہوگئی۔ نیشنل کمانڈ اینڈ آپریشن سینٹر کے تازہ ترین اعدادوشمار کے مطابق گذشتہ 24 گھنٹوں کے دوران 953 نئے کیسز رپورٹ ہوئے، پنجاب میں 5 لاکھ 2 ہزار 264، سندھ میں 5 لاکھ 69 ہزار 338، خیبرپختونخوا میں 2 لاکھ 16 ہزار 614، بلوچستان میں 35 ہزار 361، گلگت بلتستان میں 11 ہزار 543، اسلام آباد میں ایک لاکھ 34 ہزار 519 جبکہ آزاد کشمیر میں 43 ہزار 68 کیسز رپورٹ ہوئے۔
