اسلام آباد: (ویب ڈیسک) وزیر خارجہ شاہ محمود قریشی نے کہا ہے کہ تحریک عدم اعتماد لانا اپوزیشن کا آئینی حق ہے، آئینی، قانونی اور سیاسی انداز میں ان کا مقابلہ کریں گے۔
اپنے بیان میں شاہ محمود قریشی نے کہا کہ اپوزیشن کو شکست دیں گے، عمران خان منتخب وزیراعظم ہیں ، عمران خان سے استعفیٰ مانگنے والے یہ لوگ کون ہوتے ہیں؟
وزیر خارجہ نے کہا کہ وزیر اعظم سے بات ہوئی، وہ بھرپور طریقے سے مقابلہ کریں گے، اپوزیشن والے ایک دوسرے پر بھی اعتماد نہیں کرتے، ان کے کسی الٹی میٹم سے ہرگز خوف زدہ نہیں۔
شاہ محمود قریشی نے کہا کہ عمران خان نے ناراض ارکان سے رابطہ کیا ہے اور انہیں سمجھایا بھی ہے کہ چوہدری برادران کمٹمنٹ نبھانے والے ہیں۔
