اسلام آباد: (ویب ڈیسک) وزیر خارجہ شاہ محمود قریشی اور انڈونیشیائی وزیرخارجہ کے درمیان ٹیلی فون پر رابطہ ہوا، جس میں باہمی دلچسپی کے وسیع موضوعات پر تبادلہ خیال کیا گیا۔
دونوں وزرائے خارجہ نے سیاسی، تجارتی اور اقتصادی معاملات کے ساتھ ساتھ اقوام متحدہ، آسیان، او آئی سی اور دیگر کثیر الجہتی فورمز پر تعاون کو مزید مضبوط بنانے پر اتفاق کیا ہے۔ انڈونیشیا کی وزیر خارجہ نے مخدوم شاہ محمود قریشی کو انڈونیشیا کے دورے کی دعوت دی۔ جو وزیرخارجہ نے قبول کرلی۔
