کراچی: (ویب ڈیسک) امریکی ناظم الامور اینجلا ایگلر نے کراچی پورٹ قاسم کا دورہ کیا اور امریکی کمپنیز کارگل اور پراکٹر اینڈ گیمبل کی سرگرمیوں کا جائزہ لیا۔
امریکی ناظم الامور اینجلا ایگلر کا دورے کے موقع پر کہنا تھا کہ سماجی سرگرمیوں میں تعاون کے ذریعے پاکستان میں انتہائی مثبت کردار ہے ،امریکا کا شمار پاکستان کیلئے غیرملکی سرمایہ کاری کے اہم ذرائع میں ہوتا ہے۔
امریکی سفارت خانے کا کہنا ہے کہ امریکی ناظم الامور ایگلر کا دورہ دونوں ممالک میں اقتصادی تعلقات کو مستحکم بنانے کیلئے جاری کاشوں کی عکاسی کرتا ہے۔
اس سے قبل اینجلا ایگلر نے ویمنز ہسٹری منتھ کی مناسبت سے خواتین کھلاڑیوں اور کھیلوں سے وابستہ صحافیوں سے بھی ملاقات کی، دوران ملاقات اینجلا ایگلر نے پاکستانی خواتین کی ترقی اور خودمختاری کیلئے تعاون جاری رکھنے کے عزم کا اعادہ کیا۔
