اسلام آباد: (ویب ڈیسک) وزیراعظم عمران خان نے پارٹی رہنماوں کا اجلاس آج طلب کرلیا، سیاسی صورت حال پر غور کیا جائے گا۔
وزیراعظم کی زیرصدارت اہم اجلاس بلایا گیا ہے جس میں سیاسی بیانیہ سمیت امور پر ر مشاورت ہو گی،اجلاس کے دوران ایم کیو ایم کی جانب سے اپوزیشن کی جانب پیش قدمی پر بھی غور کیا جائے گا جبکہ دیگر اتحادی اراکین اسمبلی کی جانب سے کنفیوژن کی صورتحال سے متعلق حکمت عملی بھی تیار کی جائے گی۔
تحریک عدم اعتماد کے معاملے پر حکومت کو سخت چیلنج درپیش ہے، باپ کے بعد ایم کیو ایم کی جانب سے اپوزیشن کی حمایت کا متوقع اعلان تحریک انصاف کیلئے درد سر بنتا جا رہا ہے۔ دیکھنا یہ ہے کہ حکومت موجودہ صورتحال سے کس طرح باوقار انداز میں باہر نکلنے کاسامان کرتی ہے۔
