سڈنی: (ویب ڈیسک) کرکٹ آسٹریلیا نے اینڈریو مکڈونلڈ کو تین برس کے لیے آسٹریلین کرکٹ ٹیم کا ہیڈ کوچ مقرر کر دیا ہے۔
دورہ پاکستان میں ٹیسٹ اور ٹی ٹوئنٹی سیریز جیتنے کے بعد کرکٹ آسٹریلیا نے عبوری کوچ اینڈریومکڈونلڈ کو مستقل کرنے کا فیصلہ کیا ہے، مکڈونلڈ کو جسٹن لینگر کے بعد ٹیم کا عبوری کوچ مقرر کیا گیا تھا۔
آسٹریلوی کرکٹ بورڈ سے معاہدہ کے بعد اینڈیرو مکڈونلڈ کا کہنا ہے کہ اب تک کا سفر خوشگوار رہا ہے، ٹیم کی کوچنگ اعزاز کی بات ہے۔
