کراچی: (ویب ڈیسک) انٹر بینک مارکیٹ میں ڈالر نے 1روپے28پیسے کا اضافے سے 187 روپے کی حد عبور کر لی، سٹاک مارکیٹ میں 32 پوائنٹس بڑھوتری کے ساتھ مثبت رجحان دیکھا گیا۔
کاروباری ہفتے کے چوتھے روز صبح کے اوقات کے دوران انٹر بینک میں ڈالر کی قیمت 1روپے8پیسے اضافے سے 187روپے ہو گئی، بعد ازاں لین دین کے دوران 20 پیسے مزید بڑھنے پر ڈالر ریٹ 187 روپے 20 پیسے پر پہنچ گیا۔ واضح رہے کہ گزشتہ چندروز سے ڈالر کی اونچی اڑان جاری ہے، 5 دن میں ڈالر کی قیمت میں 5 روپے 65 پیسے کا اضافہ ہو چکا ہے۔
دوسری جانب سٹاک مارکیٹ میں آج مثبت رجحان دیکھا گیا، 32 پوائنٹس اضافے سے 100 انڈیکس 45 ہزار 975 پوائنٹس کی سطح پر آگیا۔
