اسلام آباد: (ویب ڈیسک) وفاقی وزیر منصوبہ بندی احسن اقبال نے احتساب عدالت سے بیرون ملک سفر کی اجازت مانگ لی۔
ذوالفقار عباس نقوی ایڈووکیٹ کے ذریعے دائر درخواست میں کہا گیا کہ نارووال سپورٹس سٹی ریفرنس کی سماعت 26 اپریل کو مقرر ہے، رمضان کے آخری عشرے میں عمرہ کی ادائیگی کیلئے سعودی عرب جانا چاہتا ہوں،ایک بار سفر کی اجازت دی جائے، ایک ہفتے میں واپس آ جاؤں گا۔
درخواست میں مزید کہا گیا ہے کہ سعودی عرب سے وطن واپسی پر عدالت کے سامنے پیش ہونے کی یقین دہانی کراتا ہوں۔
