شیخوپورہ : (ویب ڈیسک) کالا شاہ کاکو میں چار افراد دیرینہ دشمنی کی بھینٹ چڑھ گئے، نامعلوم افراد کی کار پر فائرنگ سے 4 افراد زندگی کی بازی ہار گئے۔
ذرائع کے مطابق 4 افراد شیخوپورہ فیروزوالہ کچہری میں پیشی پر آ رہے تھے واپسی پر نامعلوم افراد نے کار پر فائرنگ کر دی جس کے نتیجے میں چاروں افراد موقع پر ہی چل بسے۔
پولیس کے مطابق مرنے والے چاروں افراد کا تعلق مریدکے سے تھا، جاں بحق افراد میں باپ بیٹا بھی شامل ہیں، عرصہ دراز سے بٹ گروپ اور قصائی گروپ میں دشمنی چلی آ رہی ہے۔
مقامی پولیس نے بتایا کہ دونوں گروپوں کے 50 سے زائد افراد قتل ہوچکے ہیں، قتل ہونے والے 4 افراد میں سے تین کا تعلق بٹ گروپ سے تھا، کچھ عرصہ قبل دونوں گروپوں میں صلح بھی کرائی گئی تھی۔
