برمنگھم : (ویب ڈیسک) پاکستان کے فہد خواجہ نے کامن ویلتھ گیمزمیں ٹیبل ٹینس کے اگلے راونڈ میں جگہ بنالی۔
برمنگھم میں جاری کامن ویلتھ گیمز میں پاکستان کے فہد خواجہ نے ٹیبل ٹینس سنگلز میں آخری گروپ میچ بھی جیت لیا۔
رپورٹس کے مطابق آخری گروپ میچ میں فہد خواجہ نے ٹرینیڈاڈ اینڈ ٹوبیگو کے ڈیرن ڈوگلاس کو شکست دی۔
فہد خواجہ گروپ 15 کے تینوں میچز جیت کر راؤنڈ آف 32 میں جگہ بنانے میں کامیاب ہو گئے۔
فہدخواجہ نے گروپ 15کے دوسرے میچ میں بنگلادیش کے محتسین کو شکست دی تھی۔اس سے قبل فہد خواجہ نے پہلے میچ میں گیانا کے کھلاڑی کو شکست دی تھی۔
