اسلام آباد: (ویب ڈیسک) ملک سے دہشتگردی کی حالیہ لہر کے خاتمے کا مشن اور لڑکھڑاتی معیشت کے سد باب کے لیے وزیراعظم نے قومی سلامتی کمیٹی کااہم اجلاس آج طلب کر لیا۔ وزیراعظم شہباز شریف کی زیر صدارت قومی سلامتی کمیٹی کے اہم اجلاس میں سیاسی اور عسکری قیادت شرکت کرے گی۔ اجلاس میں قومی سلامتی کمیٹی کو افغان سرحد کی صورتِ حال اور نیشنل ایکشن پلان پر عمل درآمد سے متعلق بریفنگ دی جائے گی۔ وزیراعظم کی زیر صدارت اجلاس میں دہشتگردی کی حالیہ لہر اور اس کے تدارک کیلئے اقدامات پر بھی بریف کیا جائے گا جبکہ وزیر خزانہ اسحاق ڈار قومی سلامتی کمیٹی کو ملک کی معاشی صورتِ حال پر بریفنگ دیں گے۔
