اسلام آباد (نئیر وحید راوت /کرائم رپورٹر) زمہ دار ذرائع سے معلوم ہوا ہے کہ احتساب کے نئے قانون کے نافذ ہونے کے باعث کونسا مقدمہ اپنی حیثیت کے مطابق ایف آئی اے کے پاس جائینگے اور کونسے مقدمات کو نیب دیکھے گا کا تاحال فیصلہ نا ہونے کے باعث سو سے زائد انتہائی ہائی پروفائل کیسز لٹک کہ رہ گئے ہیں جس کا تمام “بڑوں ” کو فائدہ مل جائے گا ذرائع نے بتایا ہے کہ ان کیسز، انوسٹی گیشنز اور انکوائریوں کو نئے قانون کے مطابق کس کو سونپا جانا ہے تاحال فیصلہ نہیں ہو سکا ابتدائی معلومات کے مطابق 332 ہائی پروفائل یا میگا کیسز نیب کے ریجنل دفاتر میں زیر تفتیش ہیں یہ کیسز سابق صدر، 6 سابق وزرائے اعظم، 8 سابقہ اور موجودہ وزرائے اعلیٰ، 126 سابق اور موجودہ وزراء، سینیٹرز، ارکان پارلیمنٹ، ارکان صوبائی اسمبلی، 159 سابقہ اور موجودہ بیوروکریٹس کیخلاف اور جعلی اکاﺅنٹس کے کیسز ہیں۔ نیب کے مطابق 1273 جاری ریفرنسز میں تقریباً 1300 ارب روپے کی خورد برد کرنے کا الزام ہے۔ نیب انتظامیہ نے اپنے ریجنل دفاتر سے کہا ہے کہ فی الحال کارروائی کو روک دیا جائے تاوقتیکہ وزارت قانون و انصاف (ایم ایل جے) نئے آرڈیننس کے حوالے سے اپنی تشریح پیش کرے۔کہ یہ مقدمات قابل دست اندازی نیب ہیں یا یہ ایف آئی اے کے حوالے ہونگے یہ نیا پنڈورہ بکس نیبآرڈیننس 1999ء میں ترمیم کے بعد کھلا ہے جو تاحال پینڈڈنگ پڑا ہوا ہے جس میں خصوصی طور پر نیب قانون کے ان حصوں پر توجہ مرکوز کی گئی ہے جن میں لکھا ہے کہ اس آرڈیننس کی شقیں مندرجہ ذیل افراد یا ٹرانزیکشن (لین دین)، تمام وفاقی تحقیقاتی ادارے کے زمہ میں لایا جا رہا ہے نیب کی جانب سے اپنے ریجنل دفاتر کو لکھے گئے خط میں کہا گیا ہے کہ تمام معاملات پر فیصلے کو فی الحال معطل رکھا جائے گا تاوقتیکہ وزارت قانون کی طرف سے کوئی احکامات نہ مل جائے۔ نئے ترمیمی قانون کے سیکشن چار اور چند دیگر سیکشنز کی وجہ سے خواجہ سعد رفیق اور ان کے بھائی کے کیسز پر اثرات مرتب ہوں گے اسی طرح خواجہ آصف اور ان کے اہل خانہ کیخلاف کیس کا اہم حصہ بھی نئے ترمیمی قانون کے دائرے میں آئے گا۔ نیب نے خواجہ آصف پر غیر قانونی نجی ہاﺅسنگ اسکیم ”کینٹ ویو ہاﺅسنگ سوسائٹی“ بنانے کا الزام عائد کیا تھا۔ اسی طرح پی ٹی آئی کے لیڈر علیم خان کو پارک ویو ہاﺅسنگ اسکیم اور ریور ایج ہاﺅسنگ سوسائٹی کے معاملات پر کارروائی کا سامنا تھا۔ نئے قانون کے تحت سابق وزیراعلیٰ شہباز شریف کا کیس بھی توجہ کا مرکز بن سکتا ہے سابق صدر آصف علی زرداری کیخلاف نیو یارک کے فلیٹ کے حوالے سے نیب کا ریفرنس بھی انکم ٹیکس کا معاملہ ہے اور اسے الیکشن کمیشن اور ایف بی آر کے پاس بھیجا جا سکتا ہے۔ وزیراعلیٰ سندھ مرادعلی شاہ کیخلاف پاور پلانٹ کی تعمیر کے معاملے میں قواعد و ضوابط کی خلاف ورزی کا الزام ہے۔ یہ معاملہ بھی نئے قانون کے دائرے میں آتا ہے۔ اسی طرح بلاول زرداری کا معاملہ ہے جن پر ایک کمپنی پارک لین اسٹیٹس کے ذریعے ایک شخص سے زمین خریدنے کا الزام ہے۔ وزیراعلیٰ پنجاب عثمان بزدار کیخلاف اختیارات کے ناجائز استعمال کا کیس ہے کہ انہوں نے لاہور گیٹ وے پروجیکٹ اپنے من پسند ٹھیکے دار کو دیدیا۔ اسی طرح سابق وزیراعظم یوسف رضا گیلانی کیخلاف نیب انوسٹی گیشن ہے کہ انہوں نے غیر قانونی انداز سے تشہیری مہم چلائی۔ نیب حفیظ شیخ کیخلاف بھی تحقیقات کر رہا ہے کہ انہوں نے اختیارات کا ناجائز استعمال کرتے ہوئے قومی خزانے کو 11.125 ملین ڈالرز کا نقصان پہنچایا۔ نیب پرویز خٹک کیخلاف بھی تحقیقات کر رہا ہے کہ انہوں نے انسٹی ٹیوٹ آف سائنس اینڈ ٹیکنالوجی ہری پور کے قیام کیلئے اختیارات کا ناجائز استعمال کیا۔ سابق وزیراعظم شاہد خاقان عباسی پر ایل این جی کیس میں اختیارات کے ناجائز استعمال کا الزام ہے شفاف تنازع نہیں احسن اقبال کا کیس بھی اسی قانون کے دائرے میں آنے کا امکان ہے۔ اسی طرح شوکت ترین کا بھی ایک کیس ہے کہ انہوں نے رینٹل پاور پروجیکٹس میں رقوم جاری کرکے اختیارات کا غلط استعمال کیا۔ کیسز کے ریکارڈ کو دیکھتے ہوئے لگتا ہے کہ کئی لوگوں کو ذرائع سے زیادہ آمدنی کے کیسز کا سامنا ہے جو نئے قانون کے دائرے میں نہیں آتے۔ نئے قانون کی روشنی میں 5462 شکایات جو مختلف ریجنل دفاتر میں پراسیس ہو رہی ہیں، انہیں ایف بی آر، اے سی ای، ایف آئی اے، ایس بی پی اور صوبائی محکموں کو بھیجا جا سکتا ہے۔ فی الوقت 2036 شکایات سکھر، 152 ملتان، 1345 راولپنڈی، 42 بلوچستان، 217 کے پی، 1482 کراچی اور 188 نیب کے لاہور ریجنل آفس میں زیر تفتیش ہیں۔ تاہم، نیب کا پراسیکوشن ونگ وزارت قانون سے ایڈوائس موصول ہونے کے بعد تمام کیسز کی ایک حتمی فہرست مرتب کرے گا۔

راولپنڈی: پاک فوج نے نواز شریف سے کسی بھی ڈیل کی تردید کردی، ڈیل کی خبروں کو بے بنیاد اور قیاس آرائیاں قرار دے دیا۔

ڈائریکٹر جنرل انٹر سروسز پبلک ریلیشنز ( ڈی جی آئی ایس پی آر) میجر جنرل بابر افتخار نے کہا کہ اگر کوئی ڈیل کی بات کررہا ہے تو اسی سے پوچھیں کہ کون ڈیل کررہا ہے،  ڈیل کے شواہد کیا ہیں، کیا محرکات ہیں؟ ایسی کوئی چیز نہیں  یہ بے بنیاد باتیں ہیں، اس معاملے  پر جتنی کم بحث کی جائے اتنا ہی ملک کے مفاد میں بہتر ہے۔

ایک سوال پر انہوں نے کہا کہ سول ملٹری تعلقات میں کوئی مسئلہ نہیں، مسلح افواج حکومت کے احکامات کے تحت کام کرتی ہیں، ٹی وی پروگرامز میں کہا جاتا ہے اسٹیبلشمنٹ نے یہ کردیا  وہ کردیا ، اسٹیبلشمنٹ کو اس بحث سے باہر رکھیں۔

راولپنڈی میں پریس کانفرنس کے دوران سابق وزیراعظم نوازشریف سے ڈیل سے متعلق سوال پر میجر جنرل بابر افتخار نے کہا کہ ’یہ سب قیاس آرائیاں ہیں، اگر کوئی اس طرح کی ڈیل کی بات کرتا ہے تو اسی سے بات کریں کہ کون ڈیل کررہا ہے ؟ اس کے محرکات کیا ہیں؟ ایسی کوئی چیز نہیں، کوئی ایسی بات کرتا ہے تو اس کی تفصیلات اس سے ہی پوچھیں، ڈیل کی باتیں بے بنیاد ہیں، اس پر جتنی کم بحث کی جائے اتنا ملک کے مفاد میں اچھا ہے‘۔

ڈی جی آئی ایس پی آر کا کہنا تھا کہ ’کچھ عرصے سے پاکستان کے مختلف اداروں کے خلاف منظم مہم چلائی جارہی ہے جس کا مقصد حکومت، عوام اور اداروں کےدرمیان خلیج پیدا کرنا اور اداروں پر عوام کے اعتماد کو ٹھیس پہنچانا ہے، ایسی تمام سرگرمیوں سے نہ صرف آگاہ ہیں بلکہ ان کے لنکس سے بھی آگاہ ہیں، یہ لوگ پہلے بھی ناکام ہوئے اب بھی ناکام ہوں گے‘۔

ترجمان نے مزید کہا کہ شام کوپروگرامزمیں کہا جاتا ہےکہ اسٹیبلشمنٹ نے یہ کردیا وہ کردیا، سول ملٹری تعلقات میں کوئی مسئلہ نہیں ہے، اسٹیبلشمنٹ کو اس مسئلے سے باہر رکھیں۔

فیصل کریم کنڈی نے کہا ہے کہ آج اپوزیشن بلاول بھٹو کے بتائے ہوئے روڈ میپ پر عمل کر رہی ہے۔

پاکستان پیپلز پارٹی کے ترجمان فیصل کریم کنڈی نے پریس کانفرنس کرتے ہوئے کہا ہے کہ ہماری میٹنگ میں منی بجٹ کے حوالے سے بھی تشویش کا اظہار کیا گیا ہے۔

انہوں نے کہا کہ سندھ میں کم از کم ویج 25 ہزار ہو گی ، بلاول بھٹو اور آصف زرادری صاحب بلوچستان اور کے پی کے کے دورے کریں گے۔

فیصل کریم کنڈی نے کہا ہے کہ ہم بلدیاتی انتخابات کے حوالے امیدواروں سے درخواستیں طلب کر رہے ہیں ، فیصلہ کیا گیا ہے کہ جنرل انتخابات کے حوالے سے بھی ابھی سے درخواستیں طلب کریں گے۔

پاکستان پیپلز پارٹی کے ترجمان نے کہا ہے کہ ذوالفقارعلی بھٹو کے قتل کیس کا فیصلہ عدالتوں کے سرد خانے میں پڑا ہے اس پر جلد فیصلہ کیا جائے ، دسمبر نیازیوں پر بھاری ہوتا ہے ایک نیازی نے دسمبر میں ہتھیار ڈالے تھے ، اب دیکھیں عمران نیازی کا کیا ہوتا ہے۔

انہوں نے کہا کہ آج اپوزیشن بلاول بھٹو کے بتائے ہوئے روڈ میپ پر عمل کر رہی ہے ، تحریک انصاف کے ممبران اپوزیشن جماعتوں سے رابطے کر رہے ہیں۔

راولپنڈی: ڈی جی آئی ایس پی آر میجر جنرل بابر افتخار نے کہا ہےکہ سول ملٹری تعلقات میں کوئی مسئلہ نہیں ہے۔

میجر جنرل بابر افتخار نے کہا کہ بھارتی فوجی قیادت کی جانب سے دھمکیاں اورجھوٹا پروپیگنڈا کیا گیا، بھارت نے خطے کے امن کو داؤ پر لگایا ہوا ہے، بھارت اندرونی طورپرانتہاپسندی کی طرف گامزن ہے۔

انہوں نے کہا کہ ڈی جی ایم اوزکے فروری کے رابطےکے سبب پوراسال ایل او سی پُرامن رہی لیکن حال ہی میں بھارتی فوج نے وادی نیلم کے سامنے ایک جعلی ان کاؤنٹر کیا جس کا الزام پاکستان پر لگادیا، بھارت پہلے بھی کئی بےگناہ لوگوں کو شہید کرچکا ہے، بھارت کے جھوٹے پراپیگنڈے کا مقصد انٹرنیشنل کمیونٹی کی توجہ ہٹانا ہے۔

ترجمان پاک فوج کا کہنا تھاکہ کشمیر کا بدترین محاصرہ جاری ہے ، بھارتی فوج دہشتگردی کےنام پرکشمیریوں کونشانہ بنارہی ہے، بھارت جنیواکنونشن اورعالمی قوانین کی خلاف ورزی کررہاہے، بھارت اور مقبوضہ کشمیر کی مستند سیاسی قیادت کی آوازیں اٹھ رہی ہیں، اب ناصرف بھارت بلکہ کشمیری قیادت اور دنیا بھر سے آوازیں اٹھ رہی ہیں۔

ان کا کہنا تھا کہ 2021 میں شمالی وزیرستان میں اہم آپریشن کیا گیا، اس آپریشن میں مکمل ریاستی رٹ بحال ہوئی، اگست 2021 میں افغانستان سے غیرملکی افواج کا اچانک انخلا ہوا جس کے  اثرات پاکستان کی سکیورٹی پرپڑے۔

ترجمان نے کہا کہ  پاک افغان بارڈرپر باڑلگانے کا کام 94 فیصد مکمل ہوچکا ہے، باڑ کا مقصد لوگوں کو تقسیم کرنا نہیں انہیں محفوظ بنانا ہے، اس باڑ کو لگانے میں شہدا کا خون شامل ہے، یہ امن کی باڑہے اورمکمل ہوگی۔

میجر جنرل بابر افتخار نے کہا کہ افغانستان کی موجودہ صورتحال سنگین انسانی المیے کو جنم دے سکتی ہے۔

ایک سوال کے جواب میں ترجمان پاک فوج کا کہنا تھا کہ کوئی دو رائے نہیں کہ ہرچیز میں معیشت کا عمل دخل ہے اور معاشی چیلنجزنئے نہیں ہیں۔

ترجمان نے مزید کہا کہ شام کوپروگرامزمیں کہا جاتا ہےکہ اسٹیبلشمنٹ نے یہ کردیا وہ کردیا، سول ملٹری تعلقات میں کوئی مسئلہ نہیں ہے، اسٹیبلشمنٹ کو اس مسئلے سے باہر رکھیں۔