جے یو آئی (ف) کے سربراہ مولانا فضل الرحمان نے کہا ہے کہ مستقبل میں مداخلت نہ ہوئی تو چاروں صوبوں میں مثالی فتح حاصل کریں گے۔

مولانا فضل الرحمن نے پشاور میں جے یو آئی کے مجلس شوریٰ کے اجلاس سے خطاب کرتے ہوئے کہا کہ بلدیاتی انتخابات میں کامیابی نے حکمرانوں کے عزائم خاک میں ملا دئیے.

مولانا فضل الرحمان نے کہا کہ تین سالوں سے قوم کو سلیکٹڈ حکومت کے عزائم سے آگاہ کیا، جمعیتِ علماء اسلام عوام کی امیدوں کی کرن بن گئی۔

انہوں نے کہا کہ حکمرانوں کی پالیسیوں نے ملک کی اقتصادی معاشی ترقی کاراستہ روک دیا، 2018 کے الیکشن میں ایک منصوبہ بندی کے تحت تحریک انصاف کو مسلط کیا گیا۔

جے یو آئی (ف) کے سربراہ نے کہا کہ عوام کے ووٹ چوری کرکے عوامی مینڈیٹ کی توہین کی گئی.

ان کا کہنا تھا کہ مستقبل میں مداخلت نہ ہوئی تو چاروں صوبوں میں مثالی فتح حاصل کریں گے۔

مولانا فضل الرحمان نے کہا کہ پشاورفاٹا انضمام کے دوران پرکشش مراعات کا اعلان کرکے عوام کو دھوکہ دیا گیا۔

انہوں نے کہا کہ اسمبلیوں کے وقار اور تقدس کو پامال کرکے آئین سے ماورا بل پاس کئے جارہے ہیں۔

مولانا فضل الرحمان کا کہنا تھا کہ 360 ارب کا منی بجٹ صرف آئی ایم ایف کی ایماء پر پیش کیا گیاہے۔

تفصیلات کے مطابق  چھٹی  چیف آف دی نیول اسٹاف اوپن شوٹنگ چیمپئین شپ میں  پاکستان  نیوی نے مسلسل چھٹی مرتبہ ٹائیٹل  اپنے نام کرلیا۔پاکستان نیوی نے مجموعی طور پر 20 طلائی تمغے اپنے نام کیے، پاک بحریہ نے 19 سلور اور 8 برانز میڈلز بھی جیتے۔

پاکستان آرمی دوسرے نمبر پر رہی، پاک  آرمی نے 13گولڈ،13 اور8 برانزمیڈلز حاصل کیے ۔

چیمپئن شپ پاکستان نیوی شوٹنگ رینج ، پی این ایس بہادر پر منعقد ہوئی،  واپڈا نے ایک گولڈ اور ایک برانز میڈل جیتا،  ایچ ای سی نے4 برانز میڈلز اپنے نام کیے،  سندھ  ایک سلور اور 3 برانز میڈل جیتنے میں کامیاب رہا جبکہ  پی اے ایف نے 9 برانز میڈلز  جیتے ہیں۔

چیمپئن شپ  کوویڈ 19 کے سبب ایک برس کے تعطل کے بعد منعقد ہوئی ہے، چیمپئن شپ نیشنل رائفل ایسوسی ایشن آف پاکستان کے تعاون سے ہوئی، ایونٹ میں پسٹل اور رائفل شوٹنگ میں مینز، ویمنز اور یوتھ کے  مقابلے ہوئے،  سی این ایس شوٹنگ چیمپئن شپ کی اختتامی تقریب اتوار کو منعقد ہوگی، پاک بحریہ کے سربراہ ایڈمرل محمد امجد خان نیازی مہمان خصوصی ہوں گے۔

جینیوا: عالمی ادارہ صحت کے سربراہ کا کہنا ہے کہ 2022 میں کورونا کی وبا کا خاتمہ ہونے کی توقع ہے۔

عالمی ادارہ صحت کے سربراہ ٹیڈروس ایڈہانوم نے سوشل میڈیا پوسٹ میں کہا کہ 2022 میں کورونا کی وبا ختم ہونے کی توقع ہے کیونکہ دنیا کے پاس اب وبا پرقابو پانے کے لئے آلات موجود ہیں۔

ٹیڈروس کا کہنا تھا کہ جب تک عدم مساوات برقراررہے گی اس وقت تک وبا بھی جاری رہے گی۔افریقہ میں طبی عملے کی بھی مکمل ویکسین نہیں ہوئی جبکہ یورپ میں عوام کو بوسٹرخوراک لگائی جارہی ہے۔

انہوں نے مزید کہا کہ عدم مساوات کی وجہ سے ویرینٹ کے پھیلنے کا زیادہ امکان ہوتا ہے۔ عدم مساوات ختم ہوگی تو وبا بھی ختم ہوجائے گی اوریہ ڈراؤنا خواب بھی جس میں ہم اب جی رہے ہیں۔

ٹیڈروس ایڈہانوم نے کہا کہ دنیا بھر میں ویکسین کی ساڑھے 8ارب خوراکیں لگائی جا چکی ہیں جس سے اموات کی شرح کم کرنے میں مدد ملی ۔لوگوں کی جان بچانے کے لیے علاج کے نئے طریقے بھی دریافت ہو چکے ہیں۔

پشاور: خیبر پختون خوا کے مختلف شہروں سمیت اسلام آباد اور ملحقہ علاقوں میں زلزلے کے جھٹکے آئے ہیں جن کی شدت ریکٹر اسکیل پر 5.3 ریکارڈ کی گئی۔

ایکسپریس نیوز کے مطابق ملک کے مختلف شہروں میں زلزلے کے جھٹکے محسوس کیے گئے جس کے سبب لوگ گھروں اور دکانوں سے کلمہ طیبہ کا ورد کرتے ہوئے باہر نکل آئے۔

زلزلہ پیما مرکز کے مطابق زلزلے کے جھٹکے اسلام آباد، پشاور، مینگورہ، شانگلہ، مالاکنڈ، بونیر، دیر بالا، صوابی، چترال میں محسوس کیے گئے، فوری طور پر کسی جانی و مالی نقصان کی اطلاع موصول نہیں ہوسکی۔

زلزلہ پیما مرکز سے موصولہ اطلاعات کے مطابق زلزلے کا مرکز کوہ ہندو کش کے پہاڑی سلسلے کی طرف تھا جب کہ اس کی گہرائی 180 کلومیٹر تھی۔

لاپتہ افراد سے متعلق جرات مندانہ موقف رکھنے پر چیف جسٹس اسلام آباد ہائی کورٹ اطہر من اللہ “مین آف دا ائیر” قرار دے دئیے گئے ہیں۔

“سینٹر فار گورننس ریسرچ” نامی ادارے نے چیف جسٹس اطہر من اللہ کو میں آف دا ائیر قرار دیا.

سینٹر فار گورنس ریسرچ کا کہنا ہے کہ چیف جسٹس کو لاپتہ افراد سے متعلق اصولی اور جرات مندانہ موقف اپنانے پر مین آف دا ائیر قرار دیا۔

ادارے کی رپورٹ کے مطابق چیف جسٹس نے قرار دیا کہ لاپتہ افراد کی ذمہ داری ایگزیکیوٹیو اور وفاقی کابینہ پر ہے۔

مذکورہ ادارے کا کہنا ہے کہ مطالبہ کرتے ہیں جبری گمشدگی سے متعلق فوری قانون سازی کی جائے۔

گورننس ریسرچ سینٹر نے مطالبہ کیا کہ نیشنل سیکیورٹی پارلیمانی کمیٹی ان اداروں سے متعلق ایکشن لے جو خود  کو قانون سے بالاتر سمجھتے ہیں۔

ادارے کا کہنا ہے کہ لاپتہ افراد کا مسئلہ اچھی گورننس کے لیے ٹاپ ایجنڈا کے طور ایڈریس ہونا چاہیے۔