جنوبی افریقہ کے سابق فاسٹ بالر ڈیل اسٹین نے بھارتی ٹیم کی جنوبی افریقہ کے خلاف پہلے ٹیسٹ میچ میں فتح کو ورلڈ کلاس پرفارمنس قرار دے دیا۔
سامجی رابطے کی ویب سائٹ پر ڈیل اسٹین نے بھارتی کرکٹ ٹیم سینچورین ٹیسٹ میچ میں کامیابی پر ٹیم کو مبارکباد دی۔
ڈیل اسٹین نے کہا کہ بھارت کی کرکٹ ٹیم جنوبی افریقہ کے گزشتہ چند دوروں میں متاثر کن پرفارمنس دے رہے۔
ملک سے باہر فتح میں بھارت کا ریکارڈ مزید بہتر ہو رہا ہے اور اس کامیابی سے ثابت ہو گیا کہ وہ ورلڈ کلاس ٹیم ہے۔
واضح رہے کہ مہمان ٹیم نے سینچورین کے پہلے ٹیسٹ میں میزبان جنوبی افریقہ کو شکست دے کر سیریز میں ایک صفر کی برتری قائم کر لی ہے۔
اس میچ مین محمد شامی اور جسپریت بمرا کی شاندار بالنگ نے بھارتی ٹیم کی فتح میں اہم کردار ادا کیا۔
جبکہ نئے کپتان کے ایل راہول نے بھی ٹیم کے لئے کیپٹین اننگ کھیل کر جیت کی راہ ہموار کی ۔
دونوں ٹیموں کے مابین دوسرا ٹیسٹ پیر سے وانڈرز اسٹیڈیم جوہانسبرگ میں کھیلا جائے گا، جبکہ تیسرا ٹیسٹ نیولینڈ کرکٹ گراؤنڈ کیپ ٹاؤن میں کھیلا جائے گا۔
