آئی سی سی نے 2027 مینز ون ڈے ورلڈ کپ کا مکمل شیڈول جاری کردیا ہے، جس کے مطابق پاکستان اور بھارت کے درمیان بڑا مقابلہ 10 اکتوبر 2027 کو جنوبی افریقہ کے شہر جوہانسبرگ میں کھیلا جائے گا۔ 2027 ورلڈ کپ کی میزبانی جنوبی افریقہ، زمبابوے اور نمیبیا مشترکہ طور پر کریں گے۔ ٹورنامنٹ کا آغاز 2 اکتوبر سے ہوگا جبکہ مرکزی گروپ مرحلہ 7 اکتوبر سے شروع ہوگا۔ فائنل 21 نومبر کو جوہانسبرگ میں کھیلا جائے گا۔ پاکستان اور بھارت کو گروپ اے میں رکھا گیا ہے، جہاں ان کے ساتھ آسٹریلیا، افغانستان، زمبابوے اور ایک کوالیفائر ٹیم شامل ہوگی۔ پاکستان اپنی مہم کا آغاز 8 اکتوبر کو افغانستان کے خلاف کرے گا، جبکہ بھارت 7 اکتوبر کو دفاعی چیمپئن آسٹریلیا کے خلاف میدان میں اترے گا۔ پاکستان اور بھارت کا میچ 10 اکتوبر کو جوہانسبرگ کے وانڈررز اسٹیڈیم میں شیڈول ہے۔ ورلڈ کپ کے گروپ مرحلے کے بعد ٹاپ ٹیمیں نئے سپر 7 مرحلے میں جائیں گی، جس کے بعد سیمی فائنلز اور فائنل کھیلا جائے گا۔
ورلڈ کپ 2027 کا شیڈول جاری، پاکستان بھارت بڑا مقابلہ 10 اکتوبر کو جوہانسبرگ میں ہوگا
