ایڈیلیڈ: (ویب ڈیسک) بھارتی ٹینس سٹار ثانیہ مرزا اور ان کی قزاخستان کی جوڑی دار اینا سرجیوینا ڈینیلینا ایڈیلیڈ انٹرنیشنل ٹو اوپن ٹینس ٹورنامنٹ ویمنز ڈبلز کے ابتدائی رائونڈ میں شکست کے بعد ایونٹ سے باہر ہوگئیں۔
ثانیہ مرزا کی جوڑی کو ایڈیلیڈ انٹرنیشنل ٹو اوپن ٹینس ٹورنامنٹ ویمنز ڈبلز کے ابتدائی رائونڈ میں آسٹریلیا کی سٹروم ہنٹر اور ان کی جمہوریہ چیک کی جوڑی دار باربورا کریجکووا سے 6-3، 3-6 اور 6-10 کے مقابلے میں شکست کا سامنا کرنا پڑا۔
واضح رہے آسٹریلیا کے شہر ایڈیلیڈ میں جاری ایڈیلیڈ انٹرنیشنل ٹو اوپن ٹینس ٹورنامنٹ میموریل ڈرائیو ٹینس سینٹر پر کھیلا جا رہا ہے جس کے خواتین کے ڈبلز مقابلوں کے ابتدائی رائونڈ میں آسٹریلیا کی سٹروم ہنٹر اور ان کی جمہوریہ چیک کی جوڑی نے دوسرے رائونڈ کے لئے کوالیفائی کرلیا ہے۔
